అల్లు అర్జున్ నటించిన పుష్ప ది రైస్ సినిమా విడుదలయి దాదాపు సంవత్సరం అవుతున్నా.. ఈ సినిమా క్రేజ్ మాత్రం ఇంకా ఎక్కడ తగ్గలేదు.  ఇప్పుడు రెండవ భాగం పుష్ప ది రూల్ సినిమాలో కూడా పుష్పరాజ్ ఐకానిక్ రోల్ ఇంకెలా మారబోతుందో చూడాలన్న ఉత్కంఠ కూడా నెలకొంది. ఇప్పుడు అభిమానులు ఊపిరి పీల్చుకునేందుకు ఛాన్స్ లేని గ్రిప్పింగ్ థ్రిల్లింగ్ నేరేషన్ తో పార్ట్ 2 రక్తి కట్టిస్తోంది అనే అంచనాలు కూడా ఏర్పడ్డాయి. అయితే జూన్లో ప్రారంభం కావాల్సిన షూటింగు .. కొన్ని అనివార్య కారణాలవల్ల వాయిదా పడింది. ఇటీవల న్యూఢిల్లీలో జరిగిన ఒక కార్యక్రమంలో అల్లు అర్జున్ త్వరలోనే షూటింగ్ ప్రారంభించబోతున్నట్లు ధృవీకరించారు.

ఈ నేపథ్యంలోనే ప్రస్తుతం షూటింగు ప్రారంభించబోతున్నాము.  వచ్చే ఏడాది సినిమా విడుదలవుతుందని ఆశిస్తున్నామని అల్లు అర్జున్ తెలిపారు.. తాజాగా అందుతున్న సమాచారం ప్రకారం ఇప్పటికే అన్నపూర్ణ స్టూడియోలో బన్నీపై ఫోటోషూట్ జరిగింది.  మరొకవైపు బ్యాంకాక్ - శ్రీలంక అడవుల్లో అరుదైన లొకేషన్ లను వెతికేందుకు చిత్ర బృందం ప్రయత్నాల్లో ఉందని సమాచారం.  బ్యాంకాక్ అడవుల్లో పులితో బన్నీ భీకరమైన ఫైట్ ని చిత్రీకరిస్తారని కూడా లీక్ అయింది. అంతేకాదు రియలిస్టిక్ గా ఉండడానికి చాలా జాగ్రత్తలు తీసుకుంటున్నామని కూడా చిత్ర బృందం తెలిపినట్లు సమాచారం. ఇకపోతే 2023 డిసెంబర్ లో ఈ సినిమా విడుదల అయ్యే అవకాశాలు ఉన్నట్లు సమాచారం.

ఈ విషయం తెలుసుకున్న అభిమానులు ఆర్ఆర్ఆర్ సినిమాలో ఎన్టీఆర్ పులితో పోరాటం చేసిన సన్నివేశంతో పోల్చుకుంటున్నారు. ఇక ఇద్దరిలో ఎవరు బెస్ట్ పెర్ఫార్మర్ అవుతారో అనే ఉత్కంఠ కూడా నెలకొంది. ఇకపోతే ఈ సినిమాలో రష్మిక మందన్న హీరోయిన్గా నటిస్తున్నారు. ఇక దాక్షాయినిగా అనసూయ , మంగళం శీను పాత్రలో సునీల్ , బన్వర్ సింగ్ సేఖవత్ పాత్రలో ఫాహాధ్ ఫాజిల్ నటిస్తున్నారు. ఇక ఈ సినిమా ఎలాంటి విజయాన్ని అందుకుంటుందో తెలియాల్సి ఉంది...





మరింత సమాచారం తెలుసుకోండి: