ಸ್ಯಾಂಡಲ್ ವುಡ್ ನಲ್ಲಿ ಇದೀಗ ಆಯುಷ್ಮಾನ್ ಹವಾ ಶುರುವಾಗಲಿದೆ. ಈ ಸೂಪರ್ ಹಿಟ್ ಚಿತ್ರಕ್ಕೆ ಕುಳ್ಳ ದ್ವಾರಕೀಶ್ ಸಾಥ್ ಸಿಕ್ಕಿರುವುದು ಮತ್ತೊಂದು ವಿಶೇಷತೆ. ಆಯುಷ್ಮಾನ್ ಭವ ಚಿತ್ರವು ದ್ವಾರಕೀಶ್ ಚಿತ್ರ ಸಂಸ್ಥೆಯ 52ನೇ ಸಿನಿಮಾ. 1969ರಲ್ಲಿ ದ್ವಾರಕೀಶ್ ಮೊದಲ ಬಾರಿಗೆ ನಿರ್ಮಿಸಿದ್ದ ಮೇಯರ್ ಮುತ್ತಣ್ಣ ಚಿತ್ರದಲ್ಲಿ ಡಾ. ರಾಜ್ಕುಮಾರ್ ನಟಿಸಿದ್ರು.
ಸರಿಯಾಗಿ 50 ವರ್ಷಗಳ ನಂತ್ರ ಅದೇ ಬ್ಯಾನರ್ನಲ್ಲಿ ಅಣ್ಣಾವ್ರ ಮಗ ಡಾ. ಶಿವರಾಜ್ಕುಮಾರ್ ನಟಿಸಿದ್ದಾರೆ. ದ್ವಾರಕೀಶ್ ಸಂಸ್ಥೆಗೆ ಆಪ್ತಮಿತ್ರ ರೀತಿಯ ಹಿಟ್ ಕೊಟ್ಟ ಪಿ. ವಾಸು ಆಯುಷ್ಮಾಭವ ಚಿತ್ರದ ಸಾರಥ್ಯ ವಹಿಸಿದ್ದಾರೆ. ಈಗಾಗ್ಲೇ ಶಿವಣ್ಣ, ಪಿ. ವಾಸು ಕಾಂಬಿನೇಷನ್ನಲ್ಲಿ ಶಿವಲಿಂಗ ಸಿನಿಮಾ ಹಿಟ್ ಆಗಿದೆ. ಆದ್ದರಿಂದ ಆಯುಷ್ಮಾನ್ ಭವದ ಮೇಲೆ ನಿರೀಕ್ಷೆ ಹೆಚ್ಚಾಗಿದೆ. ಮ್ಯೂಸಿಕಲ್ ಸಸ್ಪೆನ್ಸ್ ಥ್ರಿಲ್ಲರ್ ಆಯುಷ್ಮಾನ್ಭವ ಟೀಸರ್ ಔಟ್
ಹೇಗಿದೆ ಗೊತ್ತಾ.
ಲಿರಿಕಲ್ ವೀಡಿಯೋ ಸಾಂಗ್ಸ್ ಮೂಲಕ ಪ್ರಮೋಷನ್ ಸ್ಟಾರ್ಟ್ ಮಾಡಿರೋ ಆಯುಷ್ಮಾನ್ಭವ ಟೀಂ, ಚಿತ್ರದ ಫಸ್ಟ್ ಲುಕ್ ಟೀಸರ್ ರಿವೀಲ್ ಮಾಡಿದೆ. ಚಿತ್ರದಲ್ಲಿ ಹಿರಿಯ ನಟ ಅನಂತ್ ನಾಗ್, ಸುಹಾಸಿನಿ, ಅವಿನಾಶ್ ಮುಖ್ಯಭೂಮಿಕೆಯಲ್ಲಿದ್ದು, ಡಿಂಪಲ್ ಕ್ವೀನ್ ರಚಿತಾ ರಾಮ್, ಶಿವಣ್ಣನಿಗೆ ಜೋಡಿಯಾಗಿ ಬಣ್ಣ ಹಚ್ಚಿದ್ದಾರೆ. ಪಿ. ವಾಸು ಅವರ ರೆಗ್ಯುಲರ್ ಸ್ಟೈಲ್ ಸಸ್ಪೆನ್ಸ್ ಥ್ರಿಲ್ಲರ್ ಫ್ಲೆವರ್ ಟೀಸರ್ನಲ್ಲಿ ಕಾಣ್ತಿದೆ. ಆಪ್ತಮಿತ್ರ, ಆಪ್ತರಕ್ಷಕ, ಶಿವಲಿಂಗ ಸಿನಿಮಾಗಳಲ್ಲಿ ಇಂತದ್ದೇ ಪ್ರಯತ್ನ ಮಾಡಿ ನಿರ್ದೇಶಕ ಪಿ. ವಾಸು ಸಕ್ಸಸ್ ಕಂಡಿದ್ದಾರೆ.
ಆದ್ರೆ ಈ ಬಾರಿ ಸಸ್ಪೆನ್ಸ್ ಥ್ರಿಲ್ಲರ್ ಆಯುಷ್ಮಾನ್ಭವಗೆ ಮ್ಯೂಸಿಕ್ ಟಚ್ ಕೊಟ್ಟಿದ್ದಾರೆ. ಮ್ಯೂಸಿಕ್ ಜೊತೆಗೆ ಆತ್ಮ, ಪ್ರೇತಾತ್ಮಗಳ ಜೊತೆ ನಿರ್ದೇಶಕರು ಅಸಲಿ ಆಟ ಆಡಿದ್ದಾರೆ. ಮ್ಯೂಸಿಕ್ ಡೈರೆಕ್ಟರ್ ಆಗಿ ಗುರುಕಿರಣ್ ಅದಕ್ಕೆ ಸಾಥ್ ಕೊಟ್ಟಿದ್ದು, ಆಯುಷ್ಮಾನ್ಭವ ಗುರು, 100ನೇ ಸಿನಿಮಾ ಅನ್ನೋದು ಮತ್ತೊಂದು ವಿಶೇಷ. ಮ್ಯೂಸಿಕಲ್ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರಕ್ಕೆ ಅಡ್ವೆಂಚರಸ್ ಟಚ್ ಕೂಡ ಸಿಕ್ಕಿದೆ. ಎರಡು ಶೇಡ್ಗಳಿರೋ ಪಾತ್ರದಲ್ಲಿ ರಚಿತಾ ರಾಮ್ ಮಿಂಚು ಅಭಿಮಾನಿಗಳಲ್ಲಿ ರಸಿಕತೆ ಹೆಚ್ಚಿಸಿದೆ.
