ആദ്യവിവാഹത്തിലെ പ്രശ്‌നങ്ങളിൽ തുണയായത് ഋതു മന്ത്ര! 4 വർഷമായി ഞങ്ങൾ പ്രണയത്തിലാണ്! പാട്ടും അഭിനയവുമൊക്കെയായി കലാരംഗത്ത് സജീവമായ ഋതു മോഡലിംഗിലും കഴിവ് തെളിയിച്ചിട്ടുണ്ട്. ശക്തമായ ആരാധകപിന്തുണയാണ് താരത്തിന് ലഭിച്ചുകൊണ്ടിരിക്കുന്നത്. വന്ന നാൾ മുതൽ ഒരേ പോലെയാണ് ഋതുവിന്റെ പെരുമാറ്റവും നിലപാടുകളുമെന്നാണ് ആരാധകർ പറയുന്നത്. വ്യക്തി ജീവിതത്തിലെ കാര്യങ്ങളെക്കുറിച്ച് ഋതു അധികം പറഞ്ഞില്ലെങ്കിലും പ്രണയം വലിയ ചർച്ചയായി മാറിയിരുന്നു. അഭിനേതാവും മോഡലുമായ ജിയ ഇറാനിയായിരുന്നു ഋതുവിനൊപ്പമുള്ള ചിത്രങ്ങൾ പങ്കുവെച്ച് പ്രണയത്തെക്കുറിച്ച് പറഞ്ഞത്. ഋതുവുമായുള്ള പ്രണയത്തെക്കുറിച്ചുള്ള ജിയയുടെ തുറന്നുപറച്ചിൽ വൈറലായിക്കൊണ്ടിരിക്കുകയാണ് ഇപ്പോൾ.
വനിതയ്ക്ക് നൽകിയ അഭിമുഖത്തിനിടയിലായിരുന്നു ജിയ ഇറാനി ഋതുവിനെക്കുറിച്ചും ആ ബന്ധത്തെക്കുറിച്ചും ചിത്രങ്ങളെക്കുറിച്ചുമെല്ലാം മനസ്സുതുറന്നത്. ഞങ്ങളുടെ വീട്ടിലുള്ളവർക്കും സുഹൃത്തുക്കൾക്കുമെല്ലാം ഇതേക്കുറിച്ച് നേരത്തെ തന്നെ അറിയാം. ജനങ്ങൾ ഇപ്പോഴാണ് ഇതേക്കുറിച്ച് അറിഞ്ഞത്. ഋതുവിനൊപ്പമുള്ള ചിത്രങ്ങൾ പങ്കുവെച്ചപ്പോൾ അതിന് തെറ്റായ വ്യാഖാനമാണ് ചിലർ നൽകിയത്. ഋതുവിന്റെ ആരാധകരുടെ ഭാഗത്തുനിന്നും പണി വന്നിരുന്നു. ഋതു മന്ത്രയും ജിയ ഇറാനിയും തമ്മിലുള്ള ബആദ്യ ഭാര്യയുമായി വേർപിരിഞ്ഞതിന് ശേഷമായാണ് ഋതുവുമായി ജിയ ഇറാനി പ്രണയത്തിലായത്. കുറേയേറെ പ്രശ്‌നങ്ങളുണ്ടായിരുന്നു. അതേത്തുടർന്നാണ് ഞങ്ങൾ പിരിഞ്ഞത്. ഒന്നരമാസം മുൻപാണ് വിവാഹമോചനം ലഭിച്ചത്.
കേസ് നടക്കുന്ന സമയമായതുകൊണ്ടാണ് ഋതുവിനെക്കുറിച്ചോ, ഞങ്ങളൊരുമിച്ചുള്ള ചിത്രങ്ങളോ അപ്പോൾ പോസ്റ്റ് ചെയ്യാതിരുന്നത്. തനിക്കൊരു മകനുണ്ടെന്നും അദ്ദേഹം പറയുന്നു. ഋതുവുമായി നേരത്തെ സൗഹൃദത്തിലായിരുന്നുവെങ്കിലും ഒരുമിച്ച് ജോലി ചെയ്തപ്പോഴാണ് കൂടുതൽ അടുത്തറിഞ്ഞത്. മനസ്സുകൾ തമ്മിലടുക്കുകയായിരുന്നു. ആദ്യ ബന്ധത്തിലെ പ്രശ്‌നങ്ങളുമായി ബന്ധപ്പെട്ടുള്ള സമ്മർദ്ദം മാറിയത് ഋതുവുമായുള്ള സൗഹൃദത്തിലൂടെയാണ്. അവളായിരുന്നു എല്ലാത്തിനും കൂടെ നിന്ന് പിന്തുണച്ചത്.ഋതുവും ജിയയും അടുത്തടുത്ത വീടുകളിലായാണ് താമസിക്കുന്നത്.ഞങ്ങൾക്ക് രണ്ടാൾക്കും പല കാര്യങ്ങളിലും സമാന ചിന്താഗതിയാണ്. ഇഷ്ടങ്ങളും ഒരേ പോലെയാണ്.
ഞങ്ങളൊന്നിച്ചുള്ള ചിത്രങ്ങൾ പോസ്റ്റ് ചെയ്യുന്നില്ലെന്ന് പറഞ്ഞ് അവൾ പരിഭവിക്കാറുണ്ട്. പരസ്പരം മനസ്സിലാക്കി മുന്നോട്ട് പോവുന്നവരാണ് ഞങ്ങൾ. ഫോട്ടോയൊക്കെ പോസ്റ്റ് ചെയ്യാനുള്ള അവസരം വന്നത് ഇപ്പോഴാണെന്നും ജിയ ഇറാനി പറയുന്നു. നിലവിൽ വിവാഹത്തെക്കുറിച്ച് ചിന്തിച്ചിട്ടില്ല, ഋതുവിന്റെ കരിയറിനാണ് ഇപ്പോൾ പ്രാധാന്യം കൊടുക്കുന്നത്. അവൾ ആഗ്രഹിക്കുന്നത് പോലെ കാര്യങ്ങൾ നടന്ന് അവൾ തയ്യാറാകുമ്പോൾ മതി കല്യാണമെന്നാണ് ജിയ ഇറാനി പറയുന്നത്. ഋതുവിന് എന്നേയും എനിക്ക് ഋതുവിനേയും നന്നായി അറിയാമെന്നും അദ്ദേഹം പറയുന്നു.
Find out more:
click and follow Indiaherald WhatsApp channel