పవర్ స్టార్ పవన్ కళ్యాణ్ అంటే సినీఇండస్ట్రీలో ఎంత క్రేజ్ ఉందో మనకు తెలిసిన విషయమే. ఇక అంతే కాకుండా ఈయన ప్రజల సేవకై జనసేన పార్టీ కూడా స్థాపించి, దాని అభివృద్ధికి పాటుపడుతున్న వ్యక్తి. ఇక సినీ పరిశ్రమ విషయానికి వస్తే , సినీ ఇండస్ట్రీ లో కొత్తగా ఏదైనా ట్రెండ్ సెట్ చేయాలంటే అది ఈయనకే సాధ్యం. ఈయనకు ఉన్న ఫ్యాన్ ఫాలోయింగ్ చూస్తే అంతా ఇంతా కాదు మరి. ఇక రీసెంట్ గా పునీత్ రాజ్ కుమార్ గారిని అందరూ పవర్ స్టార్ అని పిలుస్తుంటే, నాకన్నా పవన్ కళ్యాణ్ గారికే ఆ పేరు బాగా సెట్ అవుతుందని ఇటీవల పేర్కొన్నారు.
పవన్ కళ్యాణ్ రాజకీయాల్లోకి వెళ్లడం కారణంగా దాదాపుగా మూడు సంవత్సరాలుగా సినిమాలకి దూరంగా ఉండడంతో అభిమానులు ఎంతో నిరాశ చెందారు. అయితే మొన్న వచ్చిన వకీల్ సాబ్ చిత్రంతో కం బ్యాక్ ఎంట్రీ ఇచ్చి, అభిమానులు ఎంతో సంతోషపరిచాడు. రీ ఎంట్రీ ఇచ్చి ఈ సినిమా ద్వారా మంచి సక్సెస్ ను అందుకున్నాడు పవర్ స్టార్ పవన్ కళ్యాణ్. సమాజంలో ఆడ పిల్లలు ఎదుర్కొంటున్న సమస్యలను కంటికి కట్టినట్టుగా చూపించి, అందరి మన్ననలు పొందారు పవన్. ఇక ఇందులో అంజలి, నివేత థామస్ , అనన్య లు ప్రధాన పాత్రలు పోషించి, సినిమాకి హైలెట్ గా నిలిచారు. ఇక మరికొన్ని సినిమాలు వెయిటింగ్ లిస్టులో ఉండడంతో, ఆ సినిమాల కోసం కూడా పవన్ ఫ్యాన్స్ ఎంతో ఆసక్తిగా ఎదురు చూస్తున్నారు.
ఇదిలా ఉండగా , పవన్ కళ్యాణ్ కు సంబంధించిన తన చిన్న ఫోటో ఇప్పుడు సోషల్ మీడియాలో బాగా పాపులర్ అవుతోంది.1990 లో దిగిన ఫోటో ఇది. అర్జున్ రెడ్డి సినిమాలో విజయ్ దేవరకొండలా ఉన్న పవన్ కళ్యాణ్ ఫోటో వైరల్ గా మారింది. ఇప్పటివరకు ఈ ఫోటోని ఎవరు చూడలేదు. అలాంటి ఫోటో ఒకటి ఇప్పుడు ప్రస్తుతం చాలా వైరల్ గా మారింది.
