మెగా పవర్ స్టార్ రామ్ చరణ్, జూనియర్ ఎన్టీఆర్ హీరోలుగా దర్శకధీరుడు రాజమౌళి దర్శకత్వంలో తెరకెక్కిన సినిమా ఆర్ఆర్ఆర్,  ఈ సినిమాలో అలియా భట్, ఒలీవియా మోరీస్ హీరోయిన్ లుగా నటిస్తూండగా, అజయ్ దేవగన్, సముద్ర కని ప్రధాన పాత్రలో నటించారు, ఎంతో ప్రతిష్టాత్మకంగా భారీ బడ్జెట్ తో ఈ సినిమాను డివివి దానయ్య నిర్మించాడు. ఇప్పటికే ఈ సినిమా నుండి కొన్ని ప్రచార చిత్రాలను చిత్రబృందం విడుదల చేయగా వీటికి జనాల నుండి అదిరిపోయే రెస్పాన్స్ రావడం మాత్రమే కాకుండా ఈ సినిమాపై ఇప్పటికే ఉన్న అంచనాలను అమాంతం పెంచేశాయి. పాన్ ఇండియా రేంజ్ లో ప్రేక్షకుల్లో మంచి అంచనాలు కలిగివున్న ఈ సినిమాను జనవరి 7 వ తేదీన థియేటర్ లలో విడుదల చేయబోతున్నట్లు ఇప్పటికే చిత్ర బృందం అఫీషియల్ గా తెలియజేసింది.

ఈ సినిమా విడుదల తేది దగ్గర పడటంతో ఈ చిత్ర బృందం పలు టీవీ ఛానల్ ఇంటర్వ్యూ లలో పాల్గొంటూ ఈ సినిమాను ప్రమోట్ చేస్తున్నారు,  ఇదిలా ఉంటే ఆర్ఆర్ఆర్ చిత్ర బృందం బాలీవుడ్ లో ఈ సినిమాను ప్రమోట్ చేయడానికి ఎక్కువగా ఇంట్రెస్ట్ చూపుతోంది, ఇందులో భాగంగా ఇప్పటికే ఆర్ఆర్ఆర్ ట్రైలర్ లాంచ్ ను ముంబై లో చేసిన ఈ చిత్ర బృందం, కొన్ని రోజుల క్రితమే ఎంతో అట్టహాసంగా ఈ సినిమా ప్రీ రిలీజ్ ఈవెంట్ ను కూడా ముంబైలో ముగించేసింది. ఇది మాత్రమే కాకుండా హిందీలో ఫుల్ గా పాపులారిటీ ఉన్న టీవీ షో లకు కూడా గెస్ట్ గా వెళ్లి ఈ చిత్ర బృందం సందడి చేస్తోంది. ఇందులో భాగంగా తాజాగా హిందీలో చాలా పాపులారిటీ ఉన్న కామెడీ నైట్స్ విత్ కపిల్ షో కు ఆర్ఆర్ఆర్ చిత్ర బృందం వెళ్ళింది, ఇందులో భాగంగా ఈ షో లో రామ్‌ చరణ్‌ ను కపిల్‌ శర్మ ప్రశ్నిస్తూ.. ‘మీకు ఎయిర్‌లైన్స్‌, హాస్పిటల్స్‌, హోటల్స్‌ ఇతర వ్యాపారాలుండగా ఎందుకు సినిమాల్లో నటిస్తున్నారు’ అని అడిగారు. ఆ ప్రశ్నకు సమాధానం ఇస్తూ రామ్ చరణ్ ఎయిర్‌లైన్స్‌ కంపెనీ ఉన్నా ఈ షో కి వచ్చే అవకాశం ఉండదు కదా’ అని తనదైన శైలి లో సమాధానం ఇచ్చారు. రామ్ చరణ్ ఇలా సమాధానం చెప్పడంతో అక్కడున్నవారంతా నవ్వేశారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

29/12/2021 11:30 AM