మార్చి 25 భారీ స్థాయిలో విడుదలైన ఆర్ ఆర్ ఆర్ చిత్రానికి ప్రేక్షకులు బ్రహ్మరథం పడుతున్నారు. రామ్ చరణ్ ఎన్టీఆర్ ల అద్భుత నటనకు జనాలు జేజేలు పలుకుతున్నారు. ఇప్పటికే ఈ సినిమా ఆరు రోజులకు గానూ వరల్డ్ వైడ్ గా 600 కోట్లు వసూళు చేసి ఎన్నో రికార్డులు సాధిస్తోంది. ఇటీవలే బాహుబలి సినిమా రాకార్డుని తిరగరాసిన ఆర్ ఆర్ ఆర్ తాజాగా మరిన్ని రికార్డులపై కన్నేసినట్టుగా ట్రేడ్ పండితులు చెబుతున్నారు.ఉత్తరాదిలోనూ ఈ సినిమాకి భారీ వసూళ్లు లభిస్తున్నాయని అక్కడ కూడా ఈ మూవీ రికార్డుల మోత మోగిస్తూ బాలీవుడ్ వర్గాలకు కంటిమీద కునుకులేకుండా చేస్తోందని టాలీవుడ్ వర్గాలు చెబుతున్నారు.ఇదిలా వుంటే ఈ సినిమా రిలీజ్ రోజు నుంచి దర్శకుడు రాజమౌళిపై సర్వత్రా ప్రశంసల వర్ష కురుస్తోంది. మెగా స్టార్ చిరంజీవి నుంచి స్మాల్ స్టార్ ల దాకా .. ఇంకా కోలీవుడ్ స్టార్ డైరెక్టర్ శంకర్ నుంచి బాలీవుడ్ స్టార్ సెలబ్రిటీ రణ్ వీర్ సింగ్ దాకా ఇలా ఇలా ప్రతీ ఒక్కరూ కూడా ఆర్ ఆర్ ఆర్ సినిమాతో పాటు రాజమౌళిపై ప్రశంసల వర్షం కురిపిస్తున్నారు.


ఈ నేపథ్యంలో టాలీవుడ్ ఇండస్ట్రీ నుంచి రాజమౌళికి చాలా విపరీతంగా కాల్స్ వెళుతున్నాయట. ఆయనని అభినందించాలని తమతో సినిమాకు ఒప్పించాలని ఇలా రక రకాలుగా చాలా మంది కూడా విపరీతంగా జక్కన్నకు ఫోన్ లు చేస్తున్నారట.అయితే వెకేషన్ మూడ్ లోకి వెళ్లిపోయిన జక్కన్న ఫ్యామిలీతో సహా వికారాబాద్ లోని తన ఫామ్ హౌస్ కి షిఫ్ట్ అయ్యారని ఎంత మంది ఫోన్ చేసినా ప్రస్తుతం ఆయన అటెండ్ చేయడం లేదని ఇండస్ట్రీ వర్గాల్లో టాక్ వినిపిస్తోంది. చాలా బిగ్ స్టార్స్ స్టార్ ప్రొడ్యూసర్స్ ఫోన్ చేసినా కాని రాజమౌళి అటెండ్ చేయకపోవడం ఇప్పుడు ఇండస్ట్రీలో హాట్ చర్చగా మారింది.ఆర్ ఆర్ ఆర్ సినిమా తరువాత రాజమౌళి .. సూపర్ స్టార్ మహేష్ తో భారీ సినిమా చేయబోతున్న విషయం తెలిసిందే. కొంత సమయం విశ్రాంతి తీసుకున్న తరువాతే మహేష్ బాబు మూవీని జక్కన్న పట్టాలెక్కిస్తారట.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

30/03/2022 07:28 PM