జనసేన వర్సెస్ టీడీపీ: ఆధిపత్య పోరు :
గత ఎన్నికల్లో జనసేన తరపున పోటీ చేసిన ఆరణి శ్రీనివాసులు విజయం సాధించారు. ఆయన గెలుపులో టీడీపీ క్యాడర్ కీలక పాత్ర పోషించినప్పటికీ, ఇప్పుడు క్రెడిట్ విషయంలో ఇరు పార్టీల మధ్య గ్యాప్ పెరిగింది. నసేనలోని ఒక వర్గం నియోజకవర్గ వ్యవహారాల్లో పూర్తి పట్టు సాధించేందుకు ప్రయత్నిస్తోంది. దీనిని దశాబ్దాలుగా ఇక్కడ రాజకీయాలు చేస్తున్న టీడీపీ నేతలు జీర్ణించుకోలేకపోతున్నారు. బ్యూటిఫికేషన్ కార్పొరేషన్ చైర్ పర్సన్ సుగుణమ్మకు, స్థానిక జనసేన నేతలకు మధ్య ప్రోటోకాల్ మరియు ప్రాధాన్యత విషయంలో అంతర్గత కుమ్ములాటలు జరుగుతున్నాయి. తిరుపతి పార్లమెంటు బాధ్యతలను కేంద్ర మాజీ మంత్రి పనబాక లక్ష్మికి అప్పగించడం టీడీపీ శ్రేణుల్లో తీవ్ర అసంతృప్తికి దారితీసింది.
స్థానికంగా బలమైన నేతలు ఉన్నప్పటికీ, పక్క జిల్లా నుంచి వచ్చిన పనబాక లక్ష్మికి పెత్తనం ఇవ్వడం ఏమిటని నేతలు ప్రశ్నిస్తున్నారు. గత పార్లమెంట్ ఎన్నికల్లో ఆమె పోటీ చేసినప్పుడు స్థానిక నేతలతో సమన్వయం లేకపోవడం వల్లే ఓడిపోయారనే వాదన ఉంది. ఆమెకు నేతలతో కలిసిపోయే తత్వం తక్కువని, కేవలం ఎన్నికల సమయంలోనే కనిపిస్తారని సొంత పార్టీ వారే విమర్శిస్తున్నారు. ప్రస్తుతం అసెంబ్లీలో జనసేన ఎమ్మెల్యే ఉండటం, పార్లమెంట్ బాధ్యతలు పనబాక లక్ష్మికి ఇవ్వడంతో ఈ ఇద్దరి మధ్య సమన్వయం ఎలా ఉంటుందనేది ఇప్పుడు మిలియన్ డాలర్ల ప్రశ్న.
క్షేత్రస్థాయిలో కేడర్ అయోమయం :
పైస్థాయిలో నాయకుల మధ్య సఖ్యత లేకపోవడంతో క్షేత్రస్థాయిలో కార్యకర్తలు అయోమయానికి గురవుతున్నారు. ప్రభుత్వ కార్యక్రమాలను ప్రజల్లోకి తీసుకెళ్లడం కంటే, ఒకరి ప్రాబల్యాన్ని మరొకరు తగ్గించుకోవడానికే ఎక్కువ సమయం కేటాయిస్తున్నారు. ముఖ్యంగా తిరుపతి వంటి కీలక పట్టణంలో ఈ స్థాయిలో విభేదాలు ఉండటం భవిష్యత్తులో కూటమికి నష్టం కలిగించేలా ఉంది. తిరుపతిలో కూటమి నేతల మధ్య సఖ్యత కేవలం ఫ్లెక్సీలకే పరిమితమైందని, లోలోపల వర్గపోరు పతాక స్థాయికి చేరిందని రాజకీయ విశ్లేషకులు చెబుతున్నారు. అధిష్టానం వెంటనే స్పందించి పనబాక లక్ష్మి మరియు స్థానిక ఎమ్మెల్యే, టీడీపీ నేతల మధ్య సయోధ్య కుదర్చకపోతే, ఈ ప్రభావం రాబోయే స్థానిక సంస్థల ఎన్నికలపై తీవ్రంగా పడే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి