బ్రో సినిమా ఇప్పటివరకు పలు రకాల పాటలు,టీజర్ పోస్టర్లు సైతం విడుదలై ప్రేక్షకులను బాగానే ఆకట్టుకున్నాయి. మరొకవైపు సడన్గా ట్రైలర్ రిలీజ్ డేట్ ను తెలియజేసి అభిమానులకు సడన్ సర్ప్రైజ్ ఇచ్చారు. అయితే ఇలా చేయడానికి ఒక కారణం ఉందన్నట్లుగా వార్తలు వినిపిస్తున్నాయి.. ఈ సినిమాకు సంబంధించి విడుదలైన పాటలు రెస్పాన్స్ సరిగ్గా రాలేకపోవడంతో చిత్ర బృందం ఆలోచించి కాస్త తొందరగా ట్రైలర్ను రిలీజ్ చేయబోతున్నట్లు తెలుస్తోంది. ఈ చిత్రానికి సంగీత దర్శకుడు తమన్ సంగీతాన్ని అందించారు.
పవన్ కళ్యాణ్ ఇందులో ఒక దేవుడు పాత్రలో మరొకసారి కనిపించనున్నారు.. కేతిక శర్మ ప్రియా ప్రకాష్ వారియర్ హీరోయిన్లుగా నటిస్తూ ఉన్నారు. రీమేక్ ప్రాజెక్టుగా వస్తున్న ఈ చిత్రానికి స్క్రీన్ ప్లే మాటలు అన్నీ కూడా త్రివిక్రమే అందించినట్లు తెలుస్తోంది. ఈ నెల 28వ తేదీన ఈ సినిమా ప్రేక్షకుల ముందుకు రాబోతున్నది. మరి ఏ మేరకు ప్రేక్షకులను ఈ సినిమా ఆకట్టుకుంటుందో చూడాలి మరి. ఒకవైపు పవన్ కళ్యాణ్ సినిమాలు చేస్తూనే రాజకీయాలలో కూడా చాలా చురుకుగా పాల్గొంటున్నారు. మరి రాజకీయాలలో ఈసారైనా గెలుస్తారేమో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి