అనంత్ అంబానీ, రాధిక మర్చంట్ ప్రీ వెడ్డింగ్ వేడుకలకు బాలీవుడ్ కపుల్స్ కత్రినా కైఫ్, విక్కీ కౌశల్ కూడా హాజరయ్యారు. ఈ వేడుకల్లో కత్రినా ఎప్పటికప్పుడు తన పొట్టభాగం కనపడకుండా.. దుపట్టాతో కవర్ చేశారు. ముంబైకి తిరిగి వెళ్లే క్రమంలో కూడా ఆమె తన ఉదరాన్ని దుపట్టాతో కప్పుకుని ఫొటోలకు ఫోజులిచ్చారు. ఇందుకు సంబంధించిన వీడియోలు సోషల్ మీడియాలో వైరల్ అయ్యాయి. దాంతో కత్రినా గర్భంతో ఉందని, అందుకే బేబీ బంప్ కనిపించకుండా జాగ్రత్తపడ్డారని నెటిజన్లు కామెంట్స్ పెడుతున్నారు.కత్రినా కైఫ్, విక్కీ కౌశల్‌లది ప్రేమ వివాహం అన్న విషయం తెలిసిందే. ఈ ఇద్దరికి 2021 డిసెంబర్‌ నెలలో వివాహమైంది. కత్రినా, విక్కీల పెళ్లి జరిగి సుమారు రెండున్నరేళ్లు అవుతోంది. మరి కత్రినా తల్లి కాబోతున్నారనే వార్తలో ఎంతనిజం ఉందో తెలియాలంటే?.. మరికొన్ని రోజులు ఆగాల్సిందే. ఇటీవలే బాలీవుడ్ నటి అనుష్క శర్మ మగ బిడ్డకు జన్మనిచ్చారు. స్టార్ హీరోయిన్ దీపికా పదుకొణె కూడా తాను తల్లికానున్నట్లు ప్రకటించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి