టాలీవుడ్ యువ నటుడు తేజ సజ్జ హీరోగా కార్తీక్ ఘట్టమనేని దర్శకత్వంలో ఓ మూవీ మరికొన్ని రోజుల్లో ప్రారంభం కాబోతున్నట్లు అనేక వార్తలు బయటకు వచ్చిన విషయం మనకు తెలిసిందే. ఇకపోతే ప్రస్తుతం అందుతున్న సమాచారం ప్రకారం ఈ క్రేజీ మూవీ కి సంబంధించిన అఫీషియల్ అనౌన్స్మెంట్ రేపు సాయంత్రం 5 గంటల 04 నిమిషాలకు రాబోతున్నట్లు తెలుస్తోంది. ఈ మూవీ ని పీపుల్స్ మీడియా ఫ్యాక్టరీ బ్యానర్ పై ప్రముఖ నిర్మాత టీ జీ విశ్వ ప్రసాద్ నిర్మించబోతున్నారు.

ఈ మూవీ ని డిఫరెంట్ కాన్సెప్ట్ తో భారీ బడ్జెట్ తో రూపొందించబోతున్నట్లు తెలుస్తోంది. ఇకపోతే తేజా తాజాగా హనుమాన్ అనే మూవీ తో ప్రేక్షకుల ముందుకు వచ్చాడు. ఈ మూవీ భారీ సక్సెస్ ను అందుకొని 200 కోట్లకు పైగా కలెక్షన్ లను వసూలు చేసింది. ఈ మూవీ తో తేజ క్రేజ్ దేశ వ్యాప్తంగా పెరిగిపోయింది. ఇక తాజాగా కార్తీక్ ఘట్టమనేని ... మాస్ మహారాజా రవితేజ హీరోగా రూపొందిన ఈగల్ అనే మూవీ కి దర్శకత్వం వహించాడు.

మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర ప్రేక్షకులను పెద్దగా ఆకట్టుకోలేదు. కాకపోతే ఈ మూవీ లోని కొన్ని సన్నివేశాలను తెరకెక్కించిన విధానానికి మాత్రం కార్తీక్ కి ప్రేక్షకుల నుండి , విమర్శకుల నుండి మంచి ప్రశంసలు లభించాయి. ఇకపోతే ఈ సినిమాకు కూడా టీ జీ విశ్వ ప్రసాద్ నిర్మాత కావడం విశేషం. ఇక తేజ , కార్తీక్ కాంబోలో రూపోందబోయే సినిమాకు సంబంధించిన అప్డేట్ ను రేపు సాయంత్రం విడుదల చేయడం మాత్రమే కాకుండా ఈ మూవీ కి సంబంధించిన కొన్ని విషయాలు కూడా ఈ మూవీ బృందం రేపు విడుదల చేసే అవకాశం ఉన్నట్లు తెలుస్తోంది.

మరింత సమాచారం తెలుసుకోండి:

Pulgam Srinivas

12/04/2024 09:40 PM