ఈ నెల 27న బుధవారం చవితి సెలవు పడటంతో, ఆ రోజున రిలీజ్ అయ్యే సినిమా ఐదు రోజుల హాలీడే విండోని క్యాష్ చేసుకోవచ్చు. కానీ ఈ సారి ఆ అదృష్టాన్ని టాలీవుడ్ బాగా వదులుకున్నట్లుంది. ఎందుకంటే, మొదట ఈ రోజు రిలీజ్ అవ్వాల్సిన మాస్ మహారాజా రవితేజ ‘మాస్ జాతర’ వాయిదా పడిపోయింది. దీంతో థియేటర్లకు పెద్ద షాక్ తగిలినట్లే. కూలీ, వార్-2 అప్పటికి స్లో అయ్యే అవకాశం ఉన్నందున, వినాయక చవితి రోజున కొత్తగా క్రేజ్ ఉన్న సినిమా వచ్చుంటే బాక్సాఫీస్ రేంజ్ మార్చేసేది. కానీ ‘మాస్ జాతర’ను వెనక్కి జరిపేయడంతో ఆ గోల్డెన్ ఛాన్స్ వృథా అయింది. ఇండస్ట్రీలో వినిపిస్తున్న మాటల ప్రకారం, ఈ సినిమా కొత్త రిలీజ్ డేట్ సెప్టెంబర్ 12 అని చెబుతున్నారు.
ఏ కారణం చేతనైనా సరే, ఈ డిసిజన్ వల్ల భారీ లాభాన్ని వదులుకోవాల్సి వచ్చింది. ఇక ఆ స్లాట్‌లో ఘాటి, మిరాయ్ లాంటి అటెన్షన్ ఉన్న సినిమాలు వచ్చుంటే, బాక్సాఫీస్ దద్దరిల్లేది. కానీ ప్రస్తుతం చవితి వీకెండ్లో రిలీజ్ అవ్వబోతున్నవి సుందరకాండ, త్రిబాణధారి, బార్బరిక్ లాంటి చిన్న సినిమాలే. వీటికి ముందస్తుగా పెద్దగా బజ్ లేకపోయినా, టాక్ బాగుంటే మాత్రం ఆ ఎక్స్‌టెండెడ్ వీకెండ్ వీటికి బంపర్ లాభం వచ్చేలా మారుస్తుంది. మొత్తానికి ఈసారి వినాయక చవితి వీకెండ్లో టాలీవుడ్ పెద్ద సినిమాలు లేకపోవడం ఫ్యాన్స్‌కు నిరాశ కలిగించడమే కాకుండా, బాక్సాఫీస్‌కి కూడా భారీ లోటు తలపెట్టినట్లే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి