గ్లోబల్ స్టార్ రామ్ చరణ్ ప్రస్తుతం పెద్ది అనే పాన్ ఇండియా సినిమాలో హీరోగా నటిస్తున్న విషయం మనకు తెలిసిందే. ఈ మూవీ కి ఉప్పెన సినిమాతో దర్శకుడిగా పరిచయం అయ్యి మొదటి సినిమాతోనే మంచి విజయాన్ని , మంచి గుర్తింపును దక్కించుకున్న బుచ్చిబాబు సన దర్శకత్వం వహిస్తున్నాడు. ఈ సినిమాలో మోస్ట్ బ్యూటిఫుల్ అండ్ వెరీ టాలెంటెడ్ నటిమణి జాన్వి కపూర్ హీరోయిన్గా నటిస్తోంది.

శివ రాజ్ కుమార్ , జగపతి బాబు , దివ్యాందు ఈ మూవీ లో ముఖ్య పాత్రలలో కనిపించనుండగా ... ఏ ఆర్ రెహమాన్ ఈ సినిమాకు సంగీతం అందిస్తున్నాడు. వృద్ధి సినిమాస్ , మైత్రి సంస్థ , సుకుమార్ రైటింగ్స్ బ్యానర్ వారు సంయుక్తంగా ఈ సినిమాను నిర్మిస్తున్నారు. ప్రస్తుతం ఈ సినిమా షూటింగ్ శర వేగంగా జరుగుతుంది. ఈ మూవీ ని వచ్చే సంవత్సరం మార్చి 27 వ తేదీన విడుదల చేయనున్నట్లు మేకర్స్ చాలా రోజుల క్రితమే అధికారికంగా ప్రకటించారు. తాజాగా ఈ మూవీ దర్శకుడు అయినటువంటి బుచ్చిబాబు విలేకరులతో ముచ్చటించాడు. అందులో భాగంగా ఈ సినిమా విడుదలకు సంబంధించి ఒక కీలక అప్డేట్ను ఆయన తెలియజేశాడు. తాజాగా బుచ్చిబాబు మాట్లాడుతూ ... పెద్ది సినిమాను వచ్చే సంవత్సరం మార్చి 27 వ తేదీన విడుదల చేయాలి అనుకున్నాము.

అది చరణ్ పుట్టిన రోజు. కానీ ఆ దాని కంటే ఒక రోజు ముందు అనగా మార్చి 26 వ తేదీన శ్రీరామ నవమి అవుతుంది. దానితో ఆ సినిమాను ఆ రోజు విడుదల చేయాలి అని మేము ప్రయత్నిస్తున్నాము అని చెప్పుకొచ్చాడు. ఇకపోతే మార్చి 26 వ తేదీన నాని హీరోగా రూపొందుతున్న ది ప్యారడైజ్ మూవీ ని విడుదల చేయనున్నట్లు మేకర్స్ ప్రకటించారు. ఒక వేళ పెద్ది సినిమాను మార్చి 26 వ తేదీన విడుదల చేసినట్లయితే  ది ప్యారడైజ్ మూవీ కి చాలా కష్టం అవుతుంది అని చాలా మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

21/10/2025 09:28 AM