అంతే కాదు, ఈ సినిమాలో హీరోయిన్‌గా సోషల్ మీడియా ఇన్‌ఫ్లుయెన్సర్‌ ఇమాన్వి నటిస్తున్న సంగతి ఇప్పటికే హాట్ టాపిక్‌ అయింది. ఈమాన్వి “ఫౌజీ”తోనే సినీ రంగ ప్రవేశం చేయబోతుండటం ప్రత్యేకతగా మారింది. ప్రభాస్‌తో స్క్రీన్‌పై నటించే అవకాశం రావడం తన అదృష్టంగా భావిస్తున్నట్లు ఆమె ఇంటర్వ్యూలలో చెప్పింది కూడా. ఇక ఇటీవల హైదరాబాద్‌ రామోజీ ఫిల్మ్‌ సిటీలో “ఫౌజీ” షూటింగ్ జోరుగా కొనసాగుతుండగా, అక్కడ జరిగిన ఓ చిన్న సంఘటన ఇప్పుడు నెట్‌లో చర్చనీయాంశమైంది. ప్రభాస్ తన ఇంట్లో వండించిన ప్రత్యేక భోజనాన్ని సెట్‌కు తీసుకురావడం అలవాటుగా మార్చుకున్నాడని అందరికీ తెలుసు. అదే పరంపరలో, ఈ సారి కూడా ప్రభాస్ తన కొత్త కో-స్టార్ ఈమాన్వి కోసం ప్రత్యేకంగా హోమ్‌మెడ్‌ ఫుడ్ పంపించాడు.
షూటింగ్ బ్రేక్ సమయంలో ఆ భోజనం రుచి చూసిన ఇమాన్వి ఎంతో ఆనందపడి, సోషల్ మీడియాలో ఓ పోస్ట్ షేర్ చేసింది. ఆమె తన పోస్ట్‌లో ఇలా పేర్కొంది – “రుచికరమైన భోజనం పంపించిన ప్రభాస్ గారికి హృదయపూర్వక ధన్యవాదాలు. కేవలం కడుపు మాత్రమే కాదు, మనసు కూడా మీ ప్రేమతో నిండిపోయింది.” ఈ పోస్ట్ సోషల్ మీడియాలో క్షణాల్లో వైరల్ అయ్యింది. ఫ్యాన్స్, నెటిజన్లు “ఇదే ప్రభాస్ మంచితనం”, “ఎంత పెద్ద స్టార్ అయినా హృదయం మాత్రం చిన్నపిల్లలా మృదువుగా ఉంది” అంటూ ప్రశంసల వర్షం కురిపిస్తున్నారు.
ఇది ప్రభాస్ సెట్‌లో ఫుడ్ పంపడం మొదటిసారి కాదు. ఆయనతో పనిచేసిన చాలా మంది నటులు, నటీమణులు, టెక్నీషియన్లు ఆయన ఆతిథ్యానికి ఫిదా అయిపోయారు. గతంలో శృతి హాసన్, దిశా పటానీ, కృతి సనన్, మాళవిక మోహనన్, దీపికా పదుకొణె, ఇంకా జగపతి బాబు వంటి పలువురు ఆయన ఇంటి వంటకాలను రుచి చూసి ప్రశంసించారు. ప్రభాస్ ఎప్పుడు షూటింగ్‌లో ఉన్నా, తన ఇంటి ఫుడ్ అనేది ఒక రకంగా ‘లక్కీ చార్మ్’ లా మారిపోయింది. ఆయన వండించించే భోజనం కేవలం టేస్టీగానే కాదు — ప్రేమ, స్నేహం, మానవత్వం కలిసిన గుర్తుగా మిగిలిపోతుంది. ఇప్పుడు ఆ జాబితాలోకి కొత్తగా చేరింది హాట్ బ్యూటీ ఇమాన్వి. ఆమె ఆనందంతో పంచుకున్న వీడియోతో మరోసారి ప్రభాస్ యొక్క సింపుల్‌ నేచర్‌, హ్యూమన్ సైడ్ ప్రపంచానికి తెలియజేసింది. ప్రభాస్ నుంచి ఈ విధమైన గెస్టర్స్ ఎందరో అభిమానులకు ప్రేరణగా మారుతున్నాయి. స్టార్‌డమ్ ఉన్నా కూడా, సరళతతో, మనసులోని ప్యారుతో అందరినీ గెలుచుకోవడం — ఇదే అసలైన ప్రభాస్ మ్యాజిక్‌!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి