సమకాలీన ప్రేక్షకుల మనస్సుల్లో చెరగని ముద్ర వేసిన తెలుగు సీరియల్స్‌లో 'అమృతం' గురించి ప్రత్యేకంగా చెప్పాల్సిన పనిలేదు. హాస్యం, తెలివైన రచనతో కూడిన ఈ సీరియల్ బుల్లితెరపై ఒక సూపర్ హిట్గా నిలిచింది, ఇప్పటికీ దీనికి అభిమానులు ఎంతోమంది ఉన్నారు. పాత ఎపిసోడ్స్ చూడాలని ఎదురుచూసేవారికి ఇన్నాళ్లు నిరాశే ఎదురైంది. ముఖ్యంగా యూట్యూబ్‌తో సహా మరే ఇతర ప్లాట్‌ఫామ్‌లలో కూడా ఈ సీరియల్ పూర్తి నాణ్యతతో అందుబాటులో లేకపోవడం ప్రేక్షకులను కలచివేసింది.
అయితే, 'అమృతం' అభిమానులకు ఒక శుభవార్త! ఈ సీరియల్‌ను ఇకపై హెచ్‌డి (HD) క్వాలిటీతో వీక్షించే అవకాశం దక్కనుంది. ఈ నెల 24వ తేదీ నుంచి 'అమృతం' సీరియల్ ఎపిసోడ్‌లు రోజూ రెండు చొప్పున యూట్యూబ్‌లో ప్రసారం కానున్నాయి. రీమాస్టర్డ్ వెర్షన్‌గా వస్తున్న ఈ ఎపిసోడ్‌లు ప్రేక్షకులకు కొత్త అనుభూతిని అందించనున్నాయని సమాచారం.
ఈ ప్రకటనపై నెటిజన్లు సంతోషం వ్యక్తం చేస్తూ విభిన్న కామెంట్లు చేస్తున్నారు. "90's ఎమోషన్ అంటూ ఏవేవో సినిమాలు రీ-రిలీజ్ చేస్తున్నారు... అసలైన రీ-రిలీజ్ కంటెంట్ ఇది కదరా బాబు" అంటూ కొందరు తమ అభిప్రాయాన్ని బలంగా వ్యక్తం చేస్తున్నారు. మరికొందరు "90's Kidsకి అమృతం అంటే అమృతమే" అని, ఈ సీరియల్ బుల్లితెరపై 'OG' (ఒరిజినల్ గ్యాంగ్‌స్టర్) సీరియల్‌గా అభివర్ణించారు.
'అమృతం' సీరియల్ కేవలం వినోదాన్ని మాత్రమే అందించలేదు, రోజువారీ జీవితంలోని సమస్యలు, చిన్నపాటి చిరాకులను కూడా హాస్యపూరితంగా చూపించి ప్రేక్షకులకు నవ్వులు పంచింది. అమృతం నాయుడు, అంజి, శారద, గోవర్ధన్ పాత్రలు తెలుగు ప్రేక్షకులకు ఎప్పటికీ గుర్తుండిపోతాయి. యూట్యూబ్‌లో రాబోతున్న ఈ రీమాస్టర్డ్ వెర్షన్కు ప్రేక్షకుల నుంచి ఎలాంటి అద్భుతమైన స్పందన వస్తుందో, పాత వైభవాన్ని మళ్లీ ఎంతవరకు చాటుతుందో చూడాలి.
ఏపీ, తెలంగాణలో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల సమస్యలు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త సమస్యలు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి