సినిమా ఇండస్ట్రీ లో హీరోయిన్లు ఎక్కువ శాతం మంది హిట్ , ప్లాపులను ఏ మాత్రం పట్టించుకోకుండా క్రేజ్ ఉన్నప్పుడే చాలా సినిమాలలో నటించాలి అనే ఉద్దేశంతో వరుస పెట్టి సినిమాలను చేస్తూ ఉంటారు. కానీ కొంత మంది మాత్రం ఆచి తూచి అడుగులు వేస్తూ కాస్త తక్కువ సినిమాలు చేసిన మంచిదే కానీ మంచి విజయవంతమైన సినిమాలలో నటించాలి అనుకుంటూ ఉంటారు. అలాంటి సమయం లో వారికి ప్లాప్ లు వచ్చినట్లయితే కాస్త గ్యాప్ తీసుకుంటారు. ఇక అలాంటి వారిలో సంయుక్త మీనన్ , మృనాల్ ఠాకూర్ ముందు వరసలో ఉన్నారు. సంయుక్త మీనన్ "భీమ్లా నాయక్" అనే సినిమాతో టాలీవుడ్ ఇండస్ట్రీ లోకి ఎంట్రీ ఇచ్చింది. పవన్ కళ్యాణ్ , రానా ఈ సినిమాలో హీరోలుగా నటించారు. ఈ మూవీ లో సంయుక్త మీనన్ , రానా కు భార్యగా నటించింది. ఈ మూవీ మంచి విజయం సాధించింది. ఆ తర్వాత ఈమె నటించిన బింబిసారా , సార్ , విరూపాక్ష సినిమాలు కూడా మంచి విజయాలను అందుకున్నాయి. అలా కెరియర్ అద్భుతమైన స్థాయిలో ముందుకు సాగుతున్న సమయంలో ఈమె నటించిన డెవిల్ మూవీ ఫ్లాప్ అయ్యింది.

ఈ మూవీ ఫ్లాప్ కావడంతో ఈమె నెక్స్ట్ మూవీ కి చాలా గ్యాప్ తీసుకుంది. ఇక ఈమె నటించిన అఖండ 2 సినిమా డిసెంబర్ 5 వ తేదీ విడుదల కానుంది. స్వయంభు సినిమా వచ్చే సంవత్సరం విడుదల కానుంది. ఇకపోతే మృనాల్ ఠాగూర్ "సీత రామం" అనే సినిమాతో తెలుగు ఇండస్ట్రీ లోకి ఎంట్రీ ఇచ్చి మంచి విజయాన్ని సొంతం చేసుకుంది. ఆ తర్వాత ఈమె నటించిన హాయ్ నాన్న సినిమా కూడా మంచి విజయాన్ని అందుకుంది. ఇక అలాంటి సమయం లోనే ఈమె నటించిన ది ఫ్యామిలీ స్టార్ మూవీ మాత్రం ఫ్లాప్ అయ్యింది. ఈ మూవీ ఫ్లాప్ అయిన తర్వాత ఈమె నుండి ఏ సినిమా రాలేదు. ఇలా వీరిద్దరు కూడా ఫ్లాపులు రావడంతో కాస్త ఆచి తూచి అడుగులు వేస్తూ సినిమాలను ఓకే చేస్తున్నట్లు తెలుస్తోంది అని చాలా మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Heroines news

Pulgam Srinivas

29/11/2025 11:19 AM