ఇటీవల టాలీవుడ్‌లో అందరూ ఎదురు చూస్తున్న సినిమాల్లో నిఖిల్ సిద్ధార్థ్ ‘స్వయంభు’ కి ప్రత్యేక స్థానం ఉంది. తన కెరీర్ మొత్తంలో కొత్త కథలు, కొత్త జానర్లతో ప్రయోగాలు చేస్తూ యువ ప్రేక్షకులకు విభిన్నమైన ట్రీట్ అందించిన హీరో నిఖిల్, ఈ సారి మరింత భారీ స్థాయి ప్రాజెక్ట్‌తో ప్రేక్షకుల ముందుకు రానున్నాడు. కార్తికేయ 2 లాంటి భారీ క్రేజీ మూవీ తర్వాత ఆ స్థాయిని దాటే ప్రాజెక్ట్‌గా ‘స్వయంభు’ను మేకర్స్ తెర‌కెక్కిస్తున్నారు. ఈ సినిమాకు ద‌ర్శకత్వం వహిస్తున్న భరత్ కృష్ణమాచారి కథనం పూర్తిగా యాక్షన్, పురాణం, పీరియడ్ ఎలిమెంట్స్ మిళితం అయిన ప్రత్యేకమైన కంటెంట్‌తో సాగేలా తెర‌కెక్కించార‌ట. ఫస్ట్ లుక్‌లోనే నిఖిల్ యొక్క రగ్డ్ అవతారం ప్రేక్షకులను బాగా ఆకట్టుకుంది. భారీ సెట్స్, వినూత్నమైన లుక్స్, గ్రాండ్ స్కేల్ షూటింగ్ ప్యాటర్న్స్ వల్ల ఈ సినిమా పాన్ ఇండియా లెవల్లో రాబోతుందనే అంచనాలు పెరిగాయి.
తాజాగా బయటకు వచ్చిన సమాచారం ప్రకారం స్వయంభుకు ఓవరీస్ మార్కెట్‌లో అసాధారణ స్థాయిలో డిమాండ్ ఏర్పడింది. ప్రముఖ ఓవర్సీస్ డిస్ట్రిబ్యూషన్ సంస్థ ఫార్స్ ఫిల్మ్స్ ఈ సినిమా ఓవర్సీస్ రైట్స్‌ను ఏకంగా రు. 7 కోట్లకు సొంతం చేసుకున్నట్లు ట్రేడ్‌ వర్గాల్లో ప్రచారం జరుగుతోంది. ఇప్పటివరకు నిఖిల్ కెరీర్‌లో ఓవరీస్ మార్కెట్‌లో వచ్చిన అత్యధిక రేటు ఇదే కావడం ప్రత్యేకం. ఇది నిఖిల్ పెరుగుతున్న మార్కెట్‌కు నిదర్శనం మాత్రమే కాదు, సినిమా మీదున్న నమ్మకానికి కూడా స్పష్టమైన ప్రూఫ్‌గా భావిస్తున్నారు.
ఈ సినిమా కోసం రవి బ్ర‌సూర్ సంగీత ప్రపంచాన్ని అద్భుతంగా రక్తికట్టే బ్యాక్‌గ్రౌండ్ స్కోర్‌తో తీర్చిదిద్దుతున్నారని సమాచారం. అతను కేజిఎఫ్ ఫ్రాంచైజ్‌కి అందించిన మ్యూజిక్‌కి ఉన్న ఫ్యాన్‌బేస్ దృష్ట్యా, స్వయంభు కూడా ఆ స్థాయి మ్యూజికల్ ఇంటెన్సిటీతో ఉండబోతుందని అభిమానులు నమ్ముతున్నారు. ఈ సినిమా నిర్మాణ పనులను పిక్సెల్ స్టూడియోస్ భారీ బడ్జెట్‌తో నిర్వహిస్తోంది. ఫైన‌ల్‌గా ‘స్వయంభు’ నిఖిల్ కెరీర్‌లో మాత్రమే కాకుండా, పాన్ ఇండియా ప్రేక్షకులకు కూడా కొత్త అనుభూతిని అందించే సినిమా కానుందనే నమ్మకం ఇండస్ట్రీలో గట్టిగా వినిపిస్తోంది. విడుదలకు ముందే ఈ స్థాయి బిజినెస్ సాధించడం సినిమాపై ఉన్న అద్భుతమైన హైప్‌కు నిదర్శనం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి