అదే విషయాన్ని ఇటీవల సూపర్ స్టార్ రజినీకాంత్ నటించిన ‘కూలీ’ సినిమా స్పష్టంగా నిరూపించింది. ఈ చిత్రానికి మేకర్స్ చేసిన వినూత్న ప్రమోషనల్ స్ట్రాటజీ అందరికీ మంచి చర్చనీయాంశంగా మారింది. అమెజాన్తో ప్రత్యేక టైఅప్ చేస్తూ, డెలివరీ పార్సెల్స్పై ‘కూలీ’ మూవీ పోస్టర్స్ను ప్రింట్ చేసి వాటిని నేరుగా కస్టమర్ల ఇళ్లకు పంపడం జరిగింది. సినిమా రిలీజ్కు ముందే వేలాది మంది చేతులకు ఈ పార్సెల్స్ చేరడంతో, సినిమా గురించి తెలియని వారికీ కూడా హైప్ ఏర్పడింది. ఈ క్రియేటివ్ ఆలోచన సోషల్ మీడియాలో వైరల్ అవుతూ, చిత్రానికి భారీ స్థాయిలో ప్రచారం లభించింది. పబ్లిసిటీకి డబ్బు ఖర్చు చేయకుండా ఇలాంటి వినూత్న ఐడియాతో దేశవ్యాప్తంగా హైప్ క్రియేట్ చేయడం కూలీ టీమ్కు పెద్ద విజయం కావచ్చు.
ఇప్పుడు అదే స్ట్రాటజీని మన నటసింహం నందమూరి బాలకృష్ణ నటించిన ‘అఖండ 2 – తాండవం’ టీమ్ కూడా ఫాలో అవుతున్నారని సమాచారం. ఇప్పటికే అఖండ 2 పోస్టర్స్తో ఉన్న అమెజాన్ డెలివరీ బాక్సులు కొందరు కస్టమర్లకు చేరిన ఫోటోలు, వీడియోలు సోషల్ మీడియాలో వైరల్ అవుతున్నాయి. దీంతో తెలుగు ఫిల్మ్ ఇండస్ట్రీలో ఇలాంటి ప్రమోషన్ ఒక పెద్ద చిత్రానికి ఫస్ట్ టైమ్ జరుగుతోందని చెప్పుకోవచ్చు. అఖండ 2 టీమ్ దీనిని ఒక పెద్ద మార్కెటింగ్ అడుగు గా మారుస్తూ, దేశవ్యాప్తంగా దృష్టిని ఆకర్షిస్తోంది.ఇప్పటికే ఈ చిత్రంపై సాలిడ్ బజ్ నెలకొనగా, మరింత విస్తారంగా బ్రాండ్ విజిబిలిటీని పెంచే ఆలోచనల్లో మేకర్స్ ఉన్నట్లు తెలుస్తోంది. బాలయ్య మాస్ ఎలివేషన్కు బోయపాటి శ్రీను దర్శకత్వం కలిసి వస్తే ఎలా ఉంటుందో ప్రేక్షకులకు తెలిసిన విషయమే. ఆ కాంబినేషన్ పై ఆడియెన్స్లో సహజంగానే భారీ ఎక్స్పెక్టేషన్స్ ఉన్నాయి. అంతేకాదు, అఖండ సినిమా ఇచ్చిన ఇంపాక్ట్ కారణంగా సీక్వెల్ పై దేశవ్యాప్తంగా భారీ ఆసక్తి నెలకొంది. ఈ వినూత్న ప్రమోషనల్ చర్యలు తెలుగు సినిమా ప్రమోషన్లలో కొత్త ట్రెండ్ను సెట్ చేయడం ఖాయమని చెప్పవచ్చు. భవిష్యత్తులో మరిన్ని చిత్రాలు కూడా ఇలాంటి క్రియేటివ్ మార్కెటింగ్ పద్ధతులను అనుసరించవచ్చని ఇండస్ట్రీ వర్గాలు భావిస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి