అఖిల్ ఆశలన్నీ ప్రస్తుతం రాయలసీమ మాస్ బ్యాక్డ్రాప్లో తెరకెక్కుతున్న ‘లెనిన్’ సినిమా మీదే పెట్టుకున్నాడు. గ్రామీణ వాతావరణం, మాస్ ఎలిమెంట్స్, పవర్ఫుల్ పాత్రలతో ఈ చిత్రం పక్కా కమర్షియల్ ఎంటర్టైనర్గా రూపొందుతున్నట్లు సమాచారం. ‘వినరో భాగ్యము విష్ణు కథ’ సినిమాతో దర్శకుడిగా మంచి గుర్తింపు తెచ్చుకున్న మురళీ కిషోర్ అబ్బూరు ఈ చిత్రానికి దర్శకత్వం వహిస్తున్నారు. ఆయన స్టైల్, కథా కథనంపై ఇప్పటికే ప్రేక్షకుల్లో మంచి అంచనాలు ఏర్పడ్డాయి.ఈ సినిమాలో హీరోయిన్గా భాగ్యశ్రీ బోర్సే నటిస్తోంది. ఆమె పాత్ర కథకు కీలకంగా ఉండటంతో పాటు, అఖిల్కు మంచి స్క్రీన్ ప్రెజెన్స్ ఇవ్వనుందని తెలుస్తోంది. అఖిల్ను ఇప్పటివరకు చూసిన పాత్రలకు భిన్నంగా, పూర్తిగా మాస్ అవతార్లో చూపించేందుకు దర్శకుడు ప్రత్యేకంగా శ్రద్ధ పెట్టినట్లు సమాచారం.
అన్నపూర్ణ స్టూడియోస్ బ్యానర్పై ఈ సినిమాను భారీ స్థాయిలో నిర్మిస్తున్నారు. ప్రొడక్షన్ విలువలు, టెక్నికల్ అంశాలు సినిమాకు ప్రధాన ఆకర్షణగా నిలవనున్నాయని టాక్. మాస్ ప్రేక్షకులను దృష్టిలో పెట్టుకుని కథ, పాటలు, యాక్షన్ సన్నివేశాలు అన్నీ ప్లాన్ చేసినట్లు తెలుస్తోంది.ఇక ఈ సినిమాకు సంబంధించిన మరో కీలక అంశం ప్రస్తుతం సోషల్ మీడియాలో హాట్ టాపిక్గా మారింది. అదేంటంటే… కింగ్ నాగార్జున ఈ సినిమాలో కీలక పాత్రలో కనిపించనున్నారనే వార్త. ఇప్పటికే ‘బంగార్రాజు’ సినిమాలో తన కుమారుడు నాగచైతన్యతో కలిసి నటించి అభిమానులను అలరించిన నాగార్జున, ఇప్పుడు మరో కుమారుడు అఖిల్తో స్క్రీన్ షేర్ చేయబోతున్నారనే వార్త అక్కినేని అభిమానుల్లో భారీ ఉత్సాహాన్ని నింపుతోంది.తండ్రి – కుమారుల కాంబినేషన్ అంటేనే ప్రత్యేక ఆకర్షణ. అలాంటిది నాగార్జున – అఖిల్ కాంబోలో వచ్చే సన్నివేశాలు ఎలా ఉండబోతున్నాయన్న ఆసక్తి రోజురోజుకు పెరుగుతోంది. ఈ వార్త సోషల్ మీడియాలో వైరల్గా మారి సినిమాపై హైప్ను మరింత పెంచుతోంది.
ఈ హైప్ను మరింత పెంచేలా సంక్రాంతి పండుగ సందర్భంగా ‘లెనిన్’ టీమ్ బిగ్ సర్ప్రైజ్ ఇచ్చింది. ఈ సినిమా సమ్మర్ స్పెషల్గా మే నెలలో విడుదల కానుందని అధికారికంగా ప్రకటించారు. విడుదల తేదీ ప్రకటనతో పాటు, ఎనర్జీతో నిండిన ‘వారెవా వారెవా’ పాటను కూడా రిలీజ్ చేశారు.ఈ సాంగ్ రిలీజ్ అయినప్పటి నుంచి సోషల్ మీడియాలో మంచి స్పందన వస్తోంది. మాస్ బీట్, పవర్ఫుల్ లిరిక్స్, అఖిల్ ఎనర్జీతో నిండిన డాన్స్ మూవ్స్ ప్రేక్షకులను ఆకట్టుకుంటున్నాయి. ముఖ్యంగా రాయలసీమ వాతావరణాన్ని ప్రతిబింబించేలా ఈ పాటను రూపొందించడంతో, మాస్ ఆడియన్స్ నుంచి పాజిటివ్ టాక్ వస్తోంది.
మొత్తానికి ‘లెనిన్’ సినిమా అఖిల్ కెరీర్లో టర్నింగ్ పాయింట్గా మారుతుందా? నాగార్జున కీలక పాత్ర సినిమాకు ఎంత బలంగా నిలుస్తుంది? మురళీ కిషోర్ అబ్బూరు మాస్ ప్రేక్షకులను ఎంతవరకు మెప్పిస్తారు? అనే ప్రశ్నలకు సమాధానాలు రావాలంటే సినిమా విడుదల వరకు వేచిచూడాల్సిందే. కానీ ప్రస్తుతం మాత్రం ‘లెనిన్’పై అంచనాలు ఆకాశాన్ని తాకుతున్నాయనడంలో ఎలాంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి