సెడేషన్ చట్టం పై ప్రజాప్రయోజనాల వ్యాజ్యాల ను దృష్టిలో పెట్టుకొని న్యాయస్థానం కూడా 124ఏ పై పూర్తిగా సమాలోచించి, దానిని ఎక్కువ దుర్వినియోగం చేయడానికే ఉపయోగిస్తున్నారు అనే అభిప్రాయానికి వచ్చింది. దీనితో చీఫ్ జస్టిస్ కూడా ఈ చట్టం రద్దు అవసరం అనే దానిపై వివిధ వర్గాల ద్వారా వచ్చిన అభిప్రాయాలను పరిగణ లోకి తీసుకోని, ఆ దిశగా ప్రయత్నిస్తున్నారు. ఇక తీవ్రవాదులకు లేదా దేశీయ ఉగ్రవాదులు కూడా ఆయా పత్రిక లలో పని చేస్తున్నట్టు దొంగ గుర్తింపు పత్రాలు పట్టుకొని దేశ భద్రతకు ఇబ్బందులు తెచ్చిపెడుతున్నప్పుడు ఏ కేసు కింద వారిని ఖైదు చేయాలనేది ఇక్కడ ప్రశ్న బయలుదేరుతుంది.
దేశద్రోహం చట్టాన్ని పూర్తిగా రద్దు చేసేందుకు వ్యాజ్యాలు వచ్చిన మాట పరిగణలోకి తీసుకోవచ్చు కానీ అవన్నీ వేసిన వారు నిజంగా భారతదేశ ప్రయోజనాలను ఆశించి వేశారా లేక తలాతోకా లేని వాళ్ళు వేసిన వ్యాజ్యాలను కూడా పట్టించుకోని ఒక చట్టాన్ని రద్దు చేస్తే, రేపటి రోజున దేశద్రోహులతో దేశంలో పెను ప్రమాదాలు వచ్చే పరిస్థితి ఎలా అడ్డుకోవాలనేది కూడా పరిగణలోకి తీసుకోవాల్సి ఉంటుంది. చట్టాలు రద్దు చేయడం, తీసుకురావడం గొప్పేమి కాదు, వాటిని అమలు చేసేప్పుడు దానిలో లోపాలను వాడుకునే వాళ్లలో ఎలాగూ మార్పు రానప్పుడు మరింత కఠినంగా దానిని రూపొందించాలి తప్ప రద్దు దిశగా నిర్ణయాలు ఎంతవరకు సమంజసం. ప్రతిదానిపై నిఘా వ్యవస్థ ఉన్నప్పుడు, చట్టాలను దుర్వినియోగం చేసే వారిపై కూడా ఒక కన్ను వేసి తద్వారా చట్టాలకు బలాన్ని చేకూర్చవచ్చేమో చూడండి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి