ദുബായിലെ വിസ സേവനങ്ങൾക്കായി നിർമ്മിച്ച വീഡിയോ കോൾ സർവീസിന് മികച്ച സ്വീകാര്യത! 2025 വർഷത്തെ ആദ്യപകുതിയിൽ 52,212 വീഡിയോ കോളുകളാണ് ലഭിച്ചതെന്ന് ജിഡിആർഎഫ്എ ദുബായ് മേധാവി ലഫ്. ജനറൽ മുഹമ്മദ്‌ അഹ്‌മദ്‌ അൽ മർറി അറിയിച്ചു. എമിറേറ്റ്സിലെ വിസാ സേവനങ്ങൾ കൂടുതൽ സുഗമമാക്കുന്നതിനായി ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് ആരംഭിച്ച വീഡിയോ കോൾ സേവനത്തിന് മികച്ച സ്വീകാര്യത.നിലവിൽ ദുബായിലെ വിസാ സേവനങ്ങൾ ഏറ്റവും മികച്ച രീതിയിലാണ് ആളുകളിലേക്ക് എത്തിക്കുന്നത്. എന്നാൽ, വിസയുടെ അപേക്ഷാ ഫോമുകളിലെ അവ്യക്തത പ്രോസസ്സിംഗ് സമയത്തെ മന്ദഗതിയിലാക്കുന്നു. ഈ നൂതന വീഡിയോ കോൾ സേവനത്തിന്റെ ആമുഖം ഈ പ്രശ്‌നം പരിഹരിക്കാൻ ലക്ഷ്യമിടുന്നു. ഇത് അപേക്ഷകർക്ക് കൂടുതൽ ആക്‌സസ് ചെയ്യാവുന്നതും സൗകര്യപ്രദവുമാണ്.
വീഡിയോ കോൾ സേവനത്തിലൂടെ അപേക്ഷകർക്ക് ഇപ്പോൾ ഓഫീസുകൾ നേരിൽ സന്ദർശിക്കാതെ തന്നെ എമിഗ്രേഷൻ ഉദ്യോഗസ്ഥരുമായി ആശയ വിനിമയം നടത്താൻ സാധിക്കുമെന്ന് അധികൃതർ പറഞ്ഞു.
ഒപ്പം വിസ അപേക്ഷകർക്ക് പ്രോസസിങ് കാലതാമസം ഒഴിവാക്കാനും, തങ്ങളുടെ വീടുകളിൽ നിന്ന് അപേക്ഷാ പ്രക്രിയ പൂർത്തിയാക്കാനും, സമയവും അധ്വാനവും ലാഭിക്കാനും ഇതു വഴി സാധിക്കുന്നതാണ്. ജിഡിആർഎഫ്എ ദുബായുടെ ഈ സംരംഭം വിസ അപേക്ഷാ പ്രക്രിയകളുടെ കാര്യക്ഷമത വർധിപ്പിക്കുക മാത്രമല്ല താമസക്കാർക്കും സന്ദർശകർക്കും ഉപയോക്തൃ സൗഹൃദ സേവനങ്ങൾ നൽകാനുള്ള ദുബായുടെ പ്രതിബദ്ധതയെ പ്രതിഫലിപ്പിക്കുകയും ചെയ്യുന്നു. വിസ അപേക്ഷകൾ സുഗമമാക്കാനും പ്രോസസ്സിംഗ് സമയം കുസക്കാനും സൗകര്യപ്രദമായഈ വീഡിയോ കോൾ സേവനം പ്രയോജനപ്പെടുത്താൻ വകുപ്പ് ഉപയോക്താക്കളോട് അഭ്യർഥിച്ചു.
ജനറൽ ഡയറക്ടറേറ്റിന്റെ വെബ്സൈറ്റിലൂടെയും മൊബൈൽ അപ്ലിക്കേഷനായ GDRFA DXBയിലൂടെയും ഈ സർവീസ് തേടാം. തിങ്കൾ മുതൽ വ്യാഴം വരെ രാവിലെ 7:30 മുതൽ വൈകുന്നേരം 7:00 വരെയും വെള്ളിയാഴ്ച ദിവസങ്ങളിൽ അത് രാവിലെ 7:30 മുതൽ 12:00 വരെയും ഉച്ചയ്ക്ക് 2:30 മുതൽ 7:00 വരെയും ലഭ്യമാണ്. ഒരു വീഡിയോ കോളിന്റെ ശരാശരി ദൈർഘ്യം ഒരു മിനിറ്റാണ്. താമസ കുടിയേറ്റ സേവനങ്ങളുമായി ബന്ധപ്പെട്ട സേവനങ്ങൾ കാര്യക്ഷമമാക്കാനു കാലതാമസം ഒഴിവാക്കാനുമായി 2023ലാണ് ജനറൽ ഡയറക്ടറേറ്റ് ഉപയോകത്യ സൗഹൃദ വീഡിയോ കാൾ സേവനം ആരംഭിച്ചത്. ഓഫീസുകൾ സന്ദർശിക്കാതെ തന്നെ ഉദ്യോഗസ്ഥരുമായി തത്സമയം ആശയവിനിമയം നടത്തി ഇടപാടുകൾ കാര്യക്ഷമമായി പൂർത്തീകരിക്കാൻ ഈ സർവീസ് സഹായിക്കുന്നതാണ്.
ഏറ്റവും കൂടുതൽ കോളുകൾ ലഭിച്ചത് എൻട്രി, റസിഡൻസി പെർമിറ്റ് സേവനങ്ങളുമായി ബന്ധപ്പെട്ടാണ് (42,433 കോളുകൾ). കൂടാതെ, എസ്റ്റാബ്ലിഷ്മെന്റ് കാർഡ് സേവനങ്ങൾക്ക് 5,782 കോളുകളും സാമ്പത്തിക സേവനങ്ങൾക്ക് 2,850 കോളുകളും, പാസ്പോർട്ട് വിതരണ സേവനങ്ങളുമായി ബന്ധപ്പെട്ട് 1,147 കോളുകളും ലഭിച്ചുവെന്ന് അദ്ദേഹം വിശദീകരിച്ചു. 2025 വർഷത്തെ ആദ്യപകുതിയിൽ 52,212 വീഡിയോ കോളുകളാണ് ലഭിച്ചതെന്ന് ജിഡിആർഎഫ്എ ദുബായ് മേധാവി ലഫ്. ജനറൽ മുഹമ്മദ്‌ അഹ്‌മദ്‌ അൽ മർറി അറിയിച്ചു.
Find out more:
click and follow Indiaherald WhatsApp channel