ఆంధ్రప్రదేశ్ రాష్ట్రంలో జిల్లాల పునర్విభజన ప్రక్రియ మరోసారి రాష్ట్రవ్యాప్తంగా చర్చనీయాంశంగా మారింది. ప్రభుత్వం చేపడుతున్న ఈ మార్పులు ప్రజల్లో అటు ఆసక్తిని, ఇటు కొంత గందరగోళాన్ని కలిగిస్తున్నాయి. ప్రధానంగా కొత్త జిల్లాల ఏర్పాటు ప్రక్రియ ఇప్పుడే జరుగుతుందా లేక వాయిదా పడుతుందా అన్న సందిగ్ధత సర్వత్రా వ్యక్తమవుతోంది.
ఈ క్రమంలో మదనపల్లి జిల్లా ఏర్పాటు అంశం తెరపైకి రావడం ప్రాధాన్యత సంతరించుకుంది. నాలుగు నియోజకవర్గాలు, 19 మండలాలతో మదనపల్లిని ప్రత్యేక జిల్లాగా ప్రకటించే దిశగా అడుగులు పడుతుండటంతో, పొరుగునే ఉన్న అన్నమయ్య జిల్లా భవిష్యత్తుపై నీలినీడలు ముసురుకుంటున్నాయి. తాజా సమాచారం ప్రకారం, మదనపల్లి జిల్లా ఏర్పాటు గనుక పూర్తయితే, అన్నమయ్య జిల్లాలో కేవలం మూడు నియోజకవర్గాలు మాత్రమే మిగిలే అవకాశం ఉంది. ఇది పరిపాలనాపరంగా ఎంతవరకు సమంజసమనే చర్చకు దారితీస్తోంది.
గతంలో తెలంగాణ రాష్ట్రంలో చిన్న జిల్లాల ఏర్పాటు వల్ల కొన్ని పరిపాలనాపరమైన ఇబ్బందులు తలెత్తిన ఉదంతాలను పరిశీలకులు గుర్తుచేస్తున్నారు. చిన్న జిల్లాలు ప్రజలకు చేరువగా ఉన్నప్పటికీ, వనరుల పంపిణీ, అధికారుల కొరత వంటి సమస్యలు తలెత్తే ప్రమాదం ఉందని విశ్లేషకులు అభిప్రాయపడుతున్నారు. ఇదే సమయంలో అన్నమయ్య జిల్లాకు సంబంధించి మరో కీలక ప్రచారం కూడా సాగుతోంది. ఈ జిల్లాలోని మూడు మండలాలను ఇతర సరిహద్దు జిల్లాల్లో విలీనం చేసే దిశగా ప్రభుత్వం ఆలోచన చేస్తోందని సమాచారం.
ఒకవేళ ఇదే జరిగితే అన్నమయ్య జిల్లా ఉనికి మరిన్ని మార్పులకు లోనయ్యే అవకాశం ఉంది. ఈ మార్పులన్నీ కేవలం పరిపాలనా సౌలభ్యం కోసమేనా లేక రాజకీయ సమీకరణాల ఫలితమా అన్నది తేలాల్సి ఉంది. ఏదేమైనప్పటికీ, ఈ గందరగోళానికి తెరపడాలంటే ప్రభుత్వం నుండి అధికారిక స్పష్టత రావాల్సి ఉంది. రాబోయే కొద్ది రోజుల్లో అన్నమయ్య మరియు మదనపల్లి జిల్లాల తుది రూపరేఖలపై ఒక స్పష్టమైన క్లారిటీ వచ్చే అవకాశం కనిపిస్తోంది. ఈ గందరగోళం వల్ల ఈ జిల్లా ప్రజలు సైతం ఒకింత టెన్షన్ పడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి