అయితే ఇప్పుడు ఇదే విషయంపై అటు టీమిండియా ఫ్యాన్స్ అందరూ మాత్రం ఆందోళన చెందుతున్నారు అని చెప్పాలి. ఎందుకంటే జెర్సీ మారిన ప్రతిసారి కూడా టీమిండియా కి పరాభావమే ఎదురవుతూ వచ్చింది. 2019 వన్డే వరల్డ్ కప్ కి ముందు కొత్త జెర్సీతో ఇంగ్లాండ్ పయనం అయింది భారత జట్టు. అయితే గ్రూప్ స్టేజిలో టేబుల్ టాపర్గా నిలిచిన టీమిండియా అటు సెమీఫైనల్ లో మాత్రం న్యూజిలాండ్ చేతిలో ఓడిపోయి చివరికి తీవ్రంగా నిరాశపరిచింది. ఇక 2021 టీ20 ప్రపంచ కప్ లోను ఇదే సీన్ రిపీట్ అయింది. కనీసం నాకౌట్ స్టేజ్ కి కూడా అర్హత సాధించలేకపోయింది.
అయితే ఇలా టి20 వరల్డ్ కప్ లో పరాభవం తర్వాత అటు టీమిండియా జెర్సీలో మళ్ళీ మార్పు చేశారు. 2022 టీ20 వరల్డ్ కప్ కి కూడా కొత్త జెర్సీ తోనే బరిలోకి దిగింది భారత జట్టు. అక్కడ సేమ్ సేమ్ రిపీట్ అయ్యింది. గ్రూప్ స్టేజిలో బాగా రాణించిన టీమ్ ఇండియా.. సెమి ఫైనల్లో ఇంగ్లాండ్ చేతిలో 10 వికెట్ల తేడాతో ఘోర పరాజయం పాలు అయింది. ఇక ఇప్పుడు మరోసారి కొత్త జెర్సీతో టీమ్ ఇండియా బరిలోకి దిగుతుంది. దీంతో మళ్ళీ జట్టుకు ఓటమి తప్పదేమో బ్యాడ్ సెంటిమెంట్ రిపీట్ అవుతుందేమో అని ఫాన్స్ ఆందోళన చెందుతున్నారు.
