పండుగ నాడు గణపతిని మట్టి విగ్రహంగా ఇంటికి తీసుకువచ్చి ప్రతిష్ట చేస్తారు. అయితే విగ్రహం పగిలిపోతే లేదా లోపం ఉంటే దాన్ని పూజ‌కు ఊప‌యోగించ‌కూడ‌దు. పగిలిన విగ్రహం పూజిస్తే శుభఫలితాలు లభించవు. కొత్త విగ్రహాన్ని ప్రతిష్టించి పూజ‌లు జ‌ర‌పాలి. విగ్రహాన్ని తూర్పు లేదా ఉత్తరం వైపు ముఖం పెట్టి ఉంచాలి. పొరపాటున కూడా పశ్చిమం వైపు పెట్ట‌కూడ‌దు.
వినాయక చవితి రోజున మాంసాహారం, మద్యపానం పూర్తిగా నివారించాలి. ఇవి పూజ పవిత్రతను దెబ్బతీస్తాయి. ఈ రోజు శాకాహారమే తీసుకోవాలి.
అలాగే గణపతి పూజలో తులసి దళం వాడకూడదు. గణపతికి తులసి దళం నైవేద్యంగా అర్పించ‌డం నిషిద్ధం. ఆయనకు ఇష్టమైనవి 21 రకాల పత్రి ఆకులు. వాటితో పూజ చేయాలి.
విజ‌య‌క చవితి అంటేనే శాంతి, ఐక్యతకు ప్రతీక. కాబ‌ట్టి పండుగ రోజు ఇత‌రుల‌తో విభేదాలు, కోప‌డ‌టం, తిట్టుకోవ‌డం అనర్థం. కుటుంబంలో ఆనంద వాతావరణం ఉండేలా చూసుకోండి.
వినాయక చవితి రోజు నల్ల దుస్తులు ధ‌రించ‌కూడ‌ద‌ని పండితులు చెబుతున్నారు. ప‌సుపు, ఎరుపు, ఆకుపచ్చ రంగులు శుభప్రదమ‌ని అంటున్నారు.
చాలా మంది ఖాళీ కడుపుతో పూజ ప్రారంభించారు. కానీ, ఖాళీ కడుపుతో వినాయక పూజ చేయకూడదు. ముందుగా ఒక లఘు భోజనం చేసి పూజలో కూర్చోవాలి. చివర్లో నైవేద్యం తప్పక స్వీకరించాలి.
వినాయక చవితి రోజున చంద్రుణ్ని చూడటం వల్ల అపవాదులు ఎదుర్కోవాల్సి వస్తుందని పురాణాలు చెబుతున్నాయి. కాబ‌ట్టి చంద్రుణ్ని చూడకూడ‌కుండా ఉండండి. పొరపాటున చంద్రుణ్ని చూశారంటే సమంతకమణి కథ వినడం లేదా సింధూరారుణ విగ్రహం శ్లోకం చదవడం ద్వారా దోషం తొలగిపోతుంది.
ఇక ప్రతిష్టించిన గణపతిని పూజ పూర్తయ్యాక యథావిధిగా నీటిలో నిమజ్జనం చేయాలి. ఇంట్లో ఉంచుకోవ‌డం శుభం కాద‌ని శాస్త్రాలు చెబుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి