ఇక ఇటీవల కోహ్లీ కి సంబంధించిన ఒక వీడియో కాస్త సోషల్ మీడియాలో వైరల్ గా మారి పోతూ ఉండడంతో ఇది చూసిన అభిమానులు అందరూ కూడా నవ్వుకుంటున్నారు. ఇటీవలి లక్నో సూపర్ జెయింట్స్, రాయల్ ఛాలెంజర్స్ బెంగుళూరు జట్ల మధ్య మ్యాచ్ జరిగింది అన్న విషయం తెలిసిందే. ఈ మ్యాచ్లో భాగంగా ప్రాక్టీస్ సెషన్ కు రెడీ అవడానికి ముందు విరాట్ కోహ్లీ సిద్ధమవుతున్నాడు. ఈ క్రమంలోనే గార్డ్ పెట్టుకోవడానికి సిద్ధమవుతున్న సమయంలో కెమెరా యాంగిల్ కోహ్లీ వైపు తిరిగింది. దీంతో కోహ్లీ సరదాగా కెమెరా తో మాట్లాడాడు. నేను గార్డును పెట్టుకోవాలి కాస్త కెమెరా అటు వైపు తిప్పు అంటూ సైగ చేసాడు.
అయితే విరాట్ కోహ్లీ మాటలను ఏమీ పట్టించుకోని కెమెరామెన్ కోహ్లీ వైఫై కెమెరా ఫోకస్ చేశాడు. దీంతో ఇవేవీ పట్టించుకోకుండా విరాట్ కోహ్లీ తన షర్ట్ లేపి గార్డ్ పెట్టుకున్నాడు మరోసారి కెమెరా వైపు చూశాడు విరాట్ కోహ్లీ. కెమెరా ఫోకస్ తనవైపే ఉన్నట్లు కనిపించింది. నీ ఫోకస్ తగలెయ్య కాస్త ప్రైవసీ ఇవ్వు అన్నట్లుగా కోహ్లీ కెమెరావైపు సీరియస్ లుక్ ఇచ్చాడు. కాగా నిన్న జరిగిన మ్యాచ్ లో వర్షం అంతరాయం కలిగించడంతో అరగంట ఆలస్యంగా ప్రారంభమైంది. ఈ మ్యాచ్లో బెంగళూరు జట్టు విజయం సాధించిన విషయం తెలిసిందే.
