ప్రతి మ్యాచ్ లో కూడా ఓపెనర్ గా బరిలోకి దిగుతూ మంచి ఆరంభాలు అందించడంలో సక్సెస్ అవుతున్నాడు శుభమన్ గిల్. ఇటీవలే పంజాబ్ కింగ్స్ తో జరిగిన మ్యాచ్లో కూడా గుజరాత్ టైటాన్స్ అద్భుతమైన విజయాన్ని సాధించింది. ఏకంగా ఆరు వికెట్ల తేడాతో విజయ డంకా మోగించింది అని చెప్పాలి. 154 పరుగుల లక్ష్యంతో బరిలోకి దిగిన గుజరాత్ టైటాన్స్ జట్టు 19.5 ఓవర్లలోనే నాలుగు వికెట్లు కోల్పోయి టార్గెట్ ను చేదించింది. శుభమన్ గిల్ 49 బంతుల్లో 67 పరుగులు చేసి ఇక జట్టు విజయంలో కీలకపాత్ర వహించాడు అని చెప్పాలి.
అయితే మ్యాచ్ విజయం అనంతరం శుభమన్ గిల్ మాట్లాడుతూ ఆసక్తికర వ్యాఖ్యలు చేశాడు. ఈ వికెట్ పై బ్యాటింగ్ చేయడం ఎంతో చాలెంజింగ్ గా అనిపించింది. ఇక పాత బంతితో సిక్సర్లు కొట్టడం అంత తేలికైన విషయం కాదు అంటూ చెప్పుకొచ్చాడు. అందులోనూ ఇది చాలా పెద్ద గ్రౌండ్ గ్యాప్ చూసి పరుగులు చేయడం ఎంతో కష్టంగా అనిపించింది. అయితే మ్యాచ్ నేనే ఫినిష్ చేయాలని అనుకున్న కానీ అది కుదరలేదు. గతంలో పంజాబ్ కింగ్స్ తో ఉన్న అనుబంధం అనుకుంటా. ఇక తేవాటియకు మ్యాచ్ గెలిపించాలని రాసిపెట్టి ఉన్నట్లుంది. ఇక ఇలాంటి పిచ్ పై మ్యాచ్ జరిగినప్పుడు.. ఇరు జట్లపై కూడా అటు ఒత్తిడి ఉంటుంది. లక్ష్యం పెద్దది కాకపోయినప్పటికీ పిచ్ కాస్త కఠినంగా ఉంది అంటూ శుభమన్ గిల్ చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి