అయితే ఇప్పటి వరకు కరోనా ఇన్‌ ఫెక్షన్‌ ఫలితంగా గర్భస్రావం జరిగినట్టు, గర్భిణి నుంచి గర్భస్థ శిశువుకు వైరస్‌ సోకినట్టు ఆధారాలు లేవని అన్నారు. ఇక మార్చి నెలలో లండన్‌ లో ఓ పసికందుకు కరోనా వైరస్‌ పాజిటివ్‌ గా ఫలితం వచ్చింది. ఇక ఈ ఇన్‌ఫెక్షన్‌ గర్భంలో ఉన్నప్పుడే శిశువుకు సోకిందా లేక ప్రసవ సమయంలో సోకిందా అనే విషయంలో స్పష్టత రాలేదని ఆరోగ్య నిపుణులు చెబుతున్నారు.
ఇక ఇప్పటివరకూ ఈ వైరస్‌తో తీవ్ర అనారోగ్యానికి లోనైన పసికందుల కేసులు లేకపోయినప్పటికీ, 12 నెలల కంటే తక్కువ వయసున్న పిల్లలకు ఈ ఇన్‌ఫెక్షన్‌ సోకితే, వారికి రిస్క్‌ ఎక్కువే అని ఆరోగ్య నిపుణులు చెబుతున్నారు.ఇక ‘కొవిడ్‌ - 19’ కారక వైరస్‌ తల్లి పాలలో ఉన్న ఆధారాలు ఇప్పటివరకూ లేవని అన్నారు. అయితే కరోనా లక్షణాలు ఉన్న తల్లులు బిడ్డకు పాలిచ్చే సమయంలో ముఖానికి మాస్క్‌ ధరించడం లాంటి జాగ్రత్తలు తప్పనిసరిగా తీసుకోవాలని సూచించారు. అయితే కరోనా సోకినంత మాత్రాన తల్లులు బిడ్డకు పాలివ్వకూడదని నిపుణులు అనడం లేదని అంటున్నారు. ఇక ఇందుకు కారణం తల్లి పాలల్లో వైరస్‌తో పోరాడడానికి తోడ్పడే యాంటీబాడీలు ఉండడమేనని చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి