చాలా మంది కూడా చిన్నప్పటి నుండి IAS కావాలనే కలను పెంచుకుంటారు. అయినప్పటికీ యూనియన్ పబ్లిక్ సర్వీస్ కమిషన్ (UPSC) పరీక్షలను ఛేదించలేకపోతారు.అలా కష్టపడి ఎన్నో ఫెయిల్యూర్స్ తరువాత విజయం సాధిస్తారు. ఐఏఎస్ అధికారిణి అపరాజిత శర్మ కథ ఇది. బనారస్ నివాసి అయిన అపరాజిత శర్మకు ఐఏఎస్ అధికారి ఎవరో కూడా తెలియదు. ఈ పరీక్షలో ఎలా ఉత్తీర్ణత సాధించాలో ఆమెకు తెలియదు.కానీ ఆమెకు చిన్నప్పటి నుండి IAS అధికారి కావాలనే కోరిక ఉంది. తన మనవరాలు ఏదో ఒకరోజు అధికారిణి అవుతుందని ఆమె తాత ఎప్పుడూ చెప్పేవాడు. అపరాజితకి చిన్నప్పుడు ఆఫీసర్ అంటే ఎలా ఉంటుందో తెలియదు. కానీ ఎదగడం మొదలుపెట్టాక అపరాజిత దాన్ని సీరియస్‌గా తీసుకుని కెరీర్‌గా ఎంచుకుంది.IAS పోస్ట్ ప్రతిష్టను మాత్రమే కాకుండా సంతృప్తిని కూడా ఇస్తుంది. అపరాజిత 2017 సంవత్సరంలో ఆల్ ఇండియా ర్యాంక్‌40 ర్యాంక్‌తో ఉత్తీర్ణత సాధించింది. దీంతో ఆమె చిన్ననాటి కల నెరవేరింది. అపరాజిత బనారస్ నుండి పాఠశాల విద్యను అభ్యసించింది, ఆ తర్వాత ఆమె గ్రాడ్యుయేషన్ కోసం రాంచీలోని బిర్లా ఇన్‌స్టిట్యూట్ ఆఫ్ టెక్నాలజీలో చేరింది.

ఆమె తండ్రి IRS అధికారిగా పదవీ విరమణ పొందారు. ఆమె తల్లి ఒక ప్రొఫెసర్. చదువు పూర్తయ్యాక అపరాజితకు ఓ పెద్ద కంపెనీలో ఉద్యోగం వచ్చింది. ఆమె డిపార్ట్‌మెంట్‌లో ఆమె ఒక్కతే అమ్మాయి. ఆమె కంపెనీలో అక్కడ జరిగిన కొన్ని సంఘటనలు అపరాజితకు స్ఫూర్తినిచ్చాయి. ఆమె సివిల్ సర్వీసెస్ పరీక్షను ఒకసారి ప్రయత్నించి గ్రౌండ్ లెవెల్లో పనిచేయాలని నిర్ణయించుకుంది.మూడు పరీక్షలకు సిద్ధం కావడానికి వేర్వేరు స్ట్రాటజీలు తయారు చేసుకోవాలని అపరాజిత UPSC ప్రిపేర్ అయ్యేవారికి సలహా ఇస్తుంది. వాటిలో మొదటిది, సిలబస్‌ను పరిశీలించి మీ ఆసక్తికి అనుగుణంగా పుస్తకాలను సేకరించండి. రెండోది మల్టీపుల్ సోర్సస్ కలిగి ఉండకూడదని కూడా చెప్పింది. మీ పుస్తకాలను పరిమితంగా ఉంచుకోవాలని ఆమె సలహా ఇస్తుంది కానీ వాటిని మళ్లీ మళ్లీ కరెక్ట్ చేసుకోవడం చాలా ముఖ్యం.అలాగే మూడోది ప్రతి ఒక్కరూ డిఫరెంట్ గా వుంటారు కాబట్టి మీ బలాలు ఇంకా బలహీనతలను బట్టి మీ స్ట్రాటజీలను రూపొందించండి. రోజువారీ లక్ష్యాలను నిర్దేశించుకోండి ఇంకా వాటిని నెరవేర్చుకోండి అంటూ సలహాలు ఇస్తుంది.

మరింత సమాచారం తెలుసుకోండి:

education

Purushottham Vinay

19/01/2022 06:58 PM