ಬಾಹುಬಲಿ ಬಾಹುಬಲಿ2 ನಂತರ ಪ್ರಬಾಸ್ ರೇಂಜ ಬೇರೆಯದೇ ಆಗಿ ಹೋಗಿದೆ. ಪ್ರಭಾಸ್ ಬಾಹುಬಲಿಯ ನಂತರ ಸೈನ್ ಮಾಡಿರುವ ಎಲ್ಲಾ ಚಿತ್ರಗಳೂ ಕೂಡ ಬಿಗ್ ಬಜೆಟ್ ನದ್ದಾಗಿದೆ. ಇದರ ಜೊತೆಗೆ ಪ್ರಬಾಸ್ ಕೂಡ ಪೌರಾಣಿಕ ಸಿನಿಮಾಗಳಲ್ಲೇ ಹೆಚ್ಚು ಕಾಣಿಸಿಕೊಳ್ಳಲಿದ್ದಾರೆ. ಅಷ್ಟಕ್ಕೂ ಇತ್ತೀಚೆಗೆ ಪ್ರಭಾಸ್ ಸೈನ್ ಮಾಡಿರು ಪೌರಾಣಿಕ ಸಿನಿಮಾ ಯಾವುದು ಗೊತ್ತಾ..?


ಹೌದು ಭಾರತದ ಬಹುಬೇಡಿಕೆಯ ನಟ ಪ್ರಭಾಸ್ ಬಾಹುಬಲಿ ನಂತರ ಇದೀಗ ಬಿಗ್ ಬಜೆಟ್ ನ ಪೌರಾಣಿಕ ಸಿನಿಮಾದಲ್ಲಿ ನಟಿಸುತ್ತಿರುವುದಾಗಿ ಹೇಳುವ ಮೂಲಕ ಅಭಿಮಾನಿಗಳಿಗೆ ತಮ್ಮ 22ನೇ ಸಿನಿಮಾದ ಹೆಸರನ್ನು ಬಹಿರಂಗಪಡಿಸಿದ್ದಾರೆ.



ರಾಧೆ ಶ್ಯಾಮ್ ಸಿನಿಮಾದ ಬಳಿಕ ನಿರ್ದೇಶಕ ಓಂ ರಾವತ್ ನಿರ್ದೇಶನದ “ಆದಿಪುರುಷ್” ಸಿನಿಮಾದಲ್ಲಿ ನಟಿಸುತ್ತಿರುವುದಾಗಿ ಮಂಗಳವಾರ ಬೆಳಗ್ಗೆ ಸಾಮಾಜಿಕ ಜಾಲತಾಣದ ಮೂಲಕ ಘೋಷಿಸಿದ್ದಾರೆ. ಆದಿಪುರುಷ್ ಪ್ರಭಾಸ್ ಅವರ 22ನೇ ಸಿನಿಮಾವಾಗಿದೆ. ಇದೊಂದು ಸಾಹಸಮಯ ಚಿತ್ರವಾಗಿದ್ದು, “ಇದು ಅಧರ್ಮದ ವಿರುದ್ಧ ಗೆಲುವು ಸಾಧಿಸಿದ್ದರ ಸಂಭ್ರಮ” ಎಂಬ ಟ್ಯಾಗ್ ಲೈನ್ ಕೂಡಾ ನೀಡಲಾಗಿದೆ. ಆದಿಪುರುಷ್ ಸಿನಿಮಾದ ಫಸ್ಟ್ ಲುಕ್ ಅನ್ನು ಪ್ರಭಾಸ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.



ಓಂ ರಾವತ್ ಈಗಾಗಲೇ ಹಿಂದಿಯಲ್ಲಿ ತಾನಾಜಿ ಎಂಬ ಐತಿಹಾಸಿಕ ಹಿಟ್ ಸಿನಿಮಾ ನಿರ್ದೇಶಿಸಿದ್ದರು. ಈ ಸಿನಿಮಾದಲ್ಲಿ ಅಜಯ್ ದೇವಗನ್ ನಟಿಸಿದ್ದರು. ಇದೀಗ ಪ್ರಭಾಸ್ ಓಂ ರಾವತ್ ಜತೆಗಿನ ಮೊದಲ ಸಿನಿಮಾವಾಗಿದೆ. ಆದಿಪುರುಷ್ 3ಡಿ ಸಿನಿಮಾವಾಗಿದೆ. ಇದು ಹಿಂದಿ ಮತ್ತು ತೆಲುಗಿನಲ್ಲಿ ಚಿತ್ರೀಕರಣಗೊಳ್ಳಲಿದ್ದು, ನಂತರ ತಮಿಳು, ಕನ್ನಡ, ಮಲಯಾಳಂ ಹಾಗೂ ಇತರ ಅಂತರಾಷ್ಟ್ರೀಯ ಭಾಷೆಗೆ ಡಬ್ ಆಗಲಿದೆ ಎಂದು ತಿಳಿಸಿದ್ದಾರೆ.



2021ಕ್ಕೆ ಆದಿಪುರುಷ್ ಸಿನಿಮಾ ಸೆಟ್ಟೇರಲಿದ್ದು, ನಿಗದಿಯಂತೆ 2022ಕ್ಕೆ ಸಿನಿಮಾ ದೇಶ, ವಿದೇಶಗಳಲ್ಲಿ ಬಿಡುಗಡೆಯಾಗಲಿದೆ. ಚಲನಚಿತ್ರ ಮಾರುಕಟ್ಟೆ ವಿಶ್ಲೇಷಕ ತರಣ್ ಆದರ್ಶ್ ಈ ಬಗ್ಗೆ ಮಾತನಾಡಿದ್ದು, ಆದಿಪುರುಷ್ ಬಿಗ್ ಸ್ಕ್ರೀನ್ ಸಿನಿಮಾವಾಗಲಿದ್ದು, ಭಾರತೀಯ ಪೌರಾಣಿಕ ಕಥಾ ಹಂದರವನ್ನು ಹೊಂದಿದೆ. ಈ ಸಿನಿಮಾದಲ್ಲಿ ಹೆಸರಾಂತ ನಟರು ಅಭಿನಯಿಸಲಿದ್ದಾರೆ ಎಂದು ತಿಳಿಸಿದ್ದಾರೆ.


ಟಿ ಸೀರೀಸ್ ನ ಭೂಷಣ್ ಕುಮಾರ್ ಆದಿಪುರುಷ್ ಸಿನಿಮಾದ ಸಹ ನಿರ್ಮಾಪಕರಾಗಿದ್ದು, ಪ್ರಭಾಸ್ ಜತೆಗಿನ ಮೂರನೇ ಸಿನಿಮಾ ಇದಾಗಿದೆ. ಭೂಷಣ್ ಕುಮಾರ್ ಈಗಾಗಲೇ ಪ್ರಭಾಸ್ ಅವರ ಸಾಹೋ ಹಾಗೂ ರಾಧೆ ಶ್ಯಾಮ್ ಸಿನಿಮಾದಲ್ಲಿ ಜತೆಯಾಗಿ ಕಾರ್ಯನಿರ್ವಹಿಸಿದ್ದಾರೆ.

మరింత సమాచారం తెలుసుకోండి: