'മലയാള സിനിമയുടെ ചരിത്രത്തിൽ ഒരധ്യായമായി എഴുതിച്ചേർക്കേണ്ട ഏടാണ് ഡെന്നിസ് ജോസഫിന്റെ കാലം': ആദരാഞ്ജലികൾ! മമ്മൂട്ടിയും മോഹൻലാലും പ്രിയദർശനുമടക്കമുള്ളവരാണ് പ്രിയ സുഹൃത്തിൻ്റെ അപ്രതീക്ഷിത വിയോഗത്തിൽ നടുക്കവും ആദരാഞ്ജലികളുമൊക്കെ നേർന്നിരിക്കുന്നത്. ഇപ്പോഴിതാ സംവിധായകൻ വിഎ ശ്രീകുമാർ മേനോൻ കുറിച്ച ആദരാഞ്ജലി കുറിപ്പാണ് ശ്രദ്ധ നേടുന്നത്.മലയാളത്തിൻ്റെ എക്കാലത്തെയും സൂപ്പർഹിറ്റ് തിരക്കഥാകൃത്തുക്കളിലൊരാളായ ഡെന്നിസ് ജോസഫിൻ്റെ അപ്രതീക്ഷിതമായ വിയോഗ വാർത്ത അറിഞ്ഞതിൻ്റെ ഞെട്ടലിലാണ് സിനിമാ പ്രേമികളും താരങ്ങളുമൊക്കെ.
തിരക്കഥാകൃത്തുക്കൾക്കിടയിൽ ഹിറ്റ് മേക്കർ എന്നു വിളിക്കാവുന്ന ഒരാളുണ്ടെങ്കിൽ അതാണ് ഡെന്നിസ് ജോസഫെന്നും ഡെന്നിസ് ജോസഫ് തൂലിക ചലിപ്പിച്ച ഓരോ സിനിമയും മരണമില്ലാത്തവയാണെന്നും സംവിധായകൻ കുറിച്ചിരിക്കുന്നു. കുറിപ്പിൻ്റെ പൂർണ്ണ രൂപം ഇങ്ങനെയാണ്. മലയാള സിനിമ അതിന്റെ ഏറ്റവും പ്രധാനപ്പെട്ട പാരഡൈം ഷിഫ്റ്റിന് വിധേയമായ എൺപതുകളുടെ അവസാനവും തൊണ്ണൂറുകളിലുമാണ് ഒന്നിനു പിന്നാലെ ഒന്നായി ഹിറ്റുകൾ സമ്മാനിച്ചു കൊണ്ട് ഡെന്നിസ് ജോസഫ് മലയാളത്തിൽ എത്തുന്നത്. ഒരുകാലത്തും മറക്കാനാവാത്ത ഒരുപിടി ചിത്രങ്ങൾ, ഒട്ടേറെ കഥാപാത്രങ്ങൾ, അസംഖ്യം നിമിഷങ്ങൾ. കണ്ണീരും കരഘോഷങ്ങളും പൊട്ടിച്ചിരികളും ആവേശവും സമ്മാനിച്ച എത്രയോ സീനുകൾ.' 'തിരക്കഥാകൃത്തുക്കൾക്കിടയിൽ ഹിറ്റ് മേക്കർ എന്നു വിളിക്കാവുന്ന ഒരാളുണ്ടെങ്കിൽ അതാണ് ഡെന്നിസ് ജോസഫ്. തൂലികയിലെ നിറക്കൂട്ടു കൊണ്ട് ഇന്ദ്രജാലമൊരുക്കിയ എഴുത്തുകാരൻ.
'ആകാശദൂത് കണ്ട് നാം വീഴ്ത്തിയ കണ്ണുനീർ, നമ്പർ 20 മദ്രാസ് മെയിലും കോട്ടയം കുഞ്ഞച്ചനും കണ്ട് നാം ചിരിച്ച ചിരി, രാജാവിന്റെ മകനും നിറക്കൂട്ടും നമുക്കേകിയ ആവേശം... ഇന്ദ്രജാലം, ന്യൂഡൽഹി, മനു അങ്കിൾ, അഥർവം, ശ്യാമ... തുടങ്ങി ഡെന്നിസ് ജോസഫ് തൂലിക ചലിപ്പിച്ച ഓരോ സിനിമയും മരണമില്ലാത്തവയാണ്. മലയാളത്തിന്റെ സൂപ്പർസ്റ്റാറുകളുടെ വളർച്ചയിലും ഡെന്നിസ് ജോസഫിന്റെ തൂലികയുടെ കരുത്ത് ചെറുതല്ല; അദ്ദേഹമത് തുടർച്ചയായി നിഷേധിക്കുമായിരുന്നെങ്കിലും...' 'മലയാള സിനിമയുടെ ചരിത്രത്തിൽ ഒരധ്യായമായി എഴുതിച്ചേർക്കേണ്ട ഏടാണ് ഡെന്നിസ് ജോസഫിന്റെ കാലം. സിനിമയുള്ളിടത്തോളം, മലയാളിയുള്ളിടത്തോളം, ഡെന്നിസ് ജോസഫ്, നിങ്ങളും നിങ്ങളേകിയ സിനിമകളും എന്നുമിവിടെ ജീവിക്കും. റെസ്റ്റ് ഇൻ പീസ് ഡെന്നിസ് ജോസഫ് #DennisJoseph #RIPDennisJoseph'
തിരക്കഥാകൃത്തും സംവിധായകനുമായ ഡെന്നിസ് ജോസഫിന്റെ മരണവാർത്ത ഉണ്ടാക്കിയ ഞെട്ടളിൽ ആണ് ചലച്ചിത്രലോകവും ആരാധകരും. അദ്ദേഹത്തിന്റെ മരണവാർത്ത പുറത്തുവന്നപ്പോൾ മുതൽ അനുശോചനം അറിയിച്ചുകൊണ്ട് നിരവധി ആളുകൾ ആണ് രംഗത്ത് വരുന്നത്. അതിൽ മമ്മൂട്ടിയും, മോഹൻലാലും വികാരാധീനരായി പങ്കിട്ട പോസ്റ്റുകൾ ആണ് വൈറൽ ആകുന്നത്. 'ഡെന്നീസ് ജോസഫിന്റെ അകാല വിയോഗം എന്നെ വല്ലാതെ സങ്കടപ്പെടുത്തുന്നു. വളർച്ചയിലും തളർച്ചയിലും എന്റെ ഒപ്പം ഉണ്ടായിരുന്ന സഹോദര തുല്യനായ സുഹൃത്ത് ഇപ്പോഴില്ല, എഴുതിയതും സംവിധാനം ചെയ്തതുമായ എല്ലാ സിനിമകളിലൂടെയും അദ്ദേഹം ഓർമിക്കപ്പെടും. നിത്യശാന്തി നേരുന്നു', മമ്മൂട്ടി കുറിച്ചു.
Find out more:
click and follow Indiaherald WhatsApp channel