గ్రాండ్ మాస్టర్ ద్రోణవల్లి హారిక అందరికీ సుపరిచితురాలే. అయితే హారిక టాలీవుడ్ యంగ్ డైరెక్టర్ కు మరదలు అనే విషయం తెలుసా? మీరు విన్నది నిజమే..! హారిక బావ టాలీవుడ్ లో డైరెక్టర్ గా కొనసాగుతున్నారు. ఆయన ఎవరో కాదు డైరెక్టర్ అండ్ స్క్రీన్ ప్లే రైటర్ బాబి. ఆగస్టు 1న బాబీ పుట్టిన రోజు సందర్భంగా హారిక శుభాకాంక్షలు తెలియజేస్తూ ఫోటోలు షేర్ చేసింది. "సో ప్రౌడ్ ఆఫ్ యూ బావ" అంటూ ట్వీట్ చేసింది. హారిక ట్వీట్ కు బాబు ధన్యవాదాలు తెలిపారు. హారిక సోదరిని బాబీ వివాహం చేసుకున్నాడు. వారికి ఓ పాప కూడా ఉంది. మరోవైపు అంతర్జాతీయస్థాయిలో హారిక భారత కీర్తి పతాకాన్ని ఎగురవేస్తోంది. గతేడాది ఆమె పద్మశ్రీ పురస్కారం అందుకున్న విషయం తెలిసిందే. ఇక బాబికి మెగాస్టార్ చిరంజీవి కూడా నిన్న స్వయంగా కలిసి పుట్టినరోజు శుభాకాంక్షలు తెలియజేశారు.

టాలీవుడ్ డైరెక్టర్ కేఎస్ రవీంద్ర ఫిల్మ్ ఇండస్ట్రీలో బాబీగా పాపులర్. ఆయన కేవలం డైరెక్టర్ మాత్రమే కాదు స్క్రీన్ రైటర్ కూడా. మొదటి చిత్రంతోనే బెస్ట్ డబ్ల్యూ డైరెక్టర్ అవార్డును అందుకున్నాడు. ఇప్పటివరకు నాలుగు చిత్రాలను తెరకెక్కించిన ఈ యంగ్ డైరెక్టర్ మంచి హిట్ ట్రాక్ ను మెయింటెన్ చేస్తున్నాడు. "పవర్" తర్వాత పవర్ స్టార్ తో కలిసి "సర్దార్ గబ్బర్ సింగ్" చిత్రాన్ని తెరకెక్కించాడు. ఈ సినిమా పవన్ అభిమానులు మెప్పించలేకపోయింది. ఆ తర్వాత దాదాపు ఏడాది గ్యాప్ తీసుకుని యంగ్ టైగర్ ఎన్టీఆర్ తో "జై లవకుశ"తో భారీ బ్లాక్ బస్టర్ హిట్ ను కొట్టాడు. ఆ తర్వాత మళ్ళీ  రెండేళ్లు గ్యాప్ తీసుకుని విక్టరీ వెంకటేష్, అక్కినేని నాగచైతన్యతో కలిసి "వెంకీ మామ" అనే మల్టీస్టారర్ ఫ్యామిలీ ఎంటర్టైనర్ సినిమాను తెరకెక్కించాడు. ఈ సినిమా మంచి విజయాన్ని అందుకుంది. ప్రస్తుతం బాబి మెగాస్టార్ చిరంజీవితో కలిసి ఓ చిత్రాన్ని రూపొందించబోతున్నారు.

మరింత సమాచారం తెలుసుకోండి:

Dronavalli Harika Bobby

Vimalatha

02/08/2021 09:00 AM