టాలీవుడ్ యంగ్ హీరో విశ్వక్ సేన్ హీరోగా విద్యాధర్ దర్శకత్వంలో తెరకెక్కి ప్రేక్షకుల ముందుకి రాబోతున్న చిత్రం గామి. విశ్వక్ సేన్ వెళ్ళిపోమాకే సినిమా తర్వాత గామి చిత్రాన్ని స్టార్ట్ చేశాడంట.ఇది క్రౌడ్ ఫండింగ్ తో చేసిన సినిమా కావడంతో కథ నేపథ్యం ప్రకారం ఇన్నేళ్లు పట్టింది. ప్రస్తుతం ఈ సినిమా ప్రమోషన్స్ లో విశ్వక్ సేన్ పాల్గొంటున్నాడు. వి సెల్యులాయిడ్ బ్యానర్ సమర్పణలో ఈ మూవీ రిలీజ్ కాబోతోంది. కార్తిక్ శబరీష్ ఈ మూవీ నిర్మించారు. షార్ట్ ఫిల్మ్ చేసుకునే అమ్మాయి చాందినీ చౌదరి ఈ మూవీలో ఫీమేల్ లీడ్ చేసింది. ఇప్పటికే ప్రేక్షకుల ముందుకి వచ్చిన ట్రైలర్ కి సూపర్ రెస్పాన్స్ వచ్చింది. హాలీవుడ్ స్టాండర్డ్స్ లో విజువలైజేషన్, పిక్చరైజేషన్ ఉన్నాయనే మాట ఎక్కువగా వినిపిస్తోంది. అలాగే విశ్వక్ సేన్  ఎవ్వరూ ఊహించని పాత్రలో మూవీలో కనిపిస్తూ ఉండటం అందరిని ఎంతగానో ఆశ్చర్యానికి గురి చేస్తోంది. ఈ మూవీని తన భుజాలపై వేసుకొని విశ్వక్ సేన్ ప్రమోట్ చేస్తున్నాడు.ఇక తాజాగా ఇంటర్వ్యూలో సినిమా విశేషాలని విశ్వక్ సేన్ పంచుకున్నారు. ఈ సినిమాకి సమయమే పెట్టుబడి అని విశ్వక్ సేన్ పేర్కొన్నారు. కథ చదివినపుడే ఈ మూవీ తీయడానికి ఐదేళ్లు పడుతుందని అనుకున్న. అయితే దర్శకుడు విద్యాధర్ ఈ కథ మీద చాలా రీసెర్చ్ చేశాడు.


టీమ్ లో మిగిలిన వారి ఎఫర్ట్ 10 శాతం ఉంటే మిగిలిన 90 శాతం కేవలం దర్శకుడిదే ఉంటుంది. అంతగా స్టడీ చేసుకొని ఎంతో అధ్యాయనం చేసి ఈ కథని సిద్ధం చేసుకున్నాడు. షూటింగ్ స్టార్ట్ చేయడానికి ముందు నేను ఈ కథ మొత్తం చదివాను. ఒకసారి పాత్రకి నేను కనెక్ట్ అయిన తర్వాత ఎప్పుడు షూటింగ్ ఉన్న పదిరోజులు ముందుగానే చెప్పేవాడు. నేను ఆ క్యారెక్టర్ ని ఎడాప్ట్ చేసుకొని ప్రిపేర్ అయ్యేవాడిని.అఘోరా పాత్రలో నేచురల్ గా నటించడంతో కొందరు తనని నిజమైన అఘోరాగానే భావించి డబ్బులు దానం చేసేవారు. మైనస్ డిగ్రీల చలిలో మూవీ షూటింగ్ చేసేవాళ్ళం. కాళ్ళు, చేతులు గడ్డకట్టేస్తూ ఉండేవి. ఇప్పుడు అవుట్ ఫుట్ చూసిన తర్వాత చాలా హ్యాపీగా అనిపించింది. ఈ సినిమా కోసం నేను చేసింది ఇంకా ఏదైనా ఉందంటే రెమ్యునరేషన్ తీసుకోకుండా నటించడమే. 70 రోజులు సినిమా షూటింగ్ చేశాను. అనుకున్న టైంలోనే మూవీ పూర్తిచేశాం. ఈ టైంలో రావడం కరెక్ట్ అనిపించి ప్రేక్షకుల ముందుకి తీసుకొని వస్తున్నాం అని ఈ సినిమా చూసిన తరువాత జనాలకు ఖచ్చితంగా క్రిస్టోఫర్ నోలన్ సినిమా చూసిన అనుభూతి వస్తుందని విశ్వక్ తన ఇంటర్వ్యూలో పేర్కొన్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Gami

Purushottham Vinay

04/03/2024 03:20 PM