తాజాగా తెలుగు పరిశ్రమలో సినీ కార్మికులకు వేతనాలను పెంచారు. వేతనాలను పెంచినట్లు తాజాగా ఫిలిం ఛాంబర్ ప్రకటించింది. ఈ నెల అనగా ఆగస్టు 22 న కార్మిక శాఖ సమక్షంలో 13 కార్మిక సంఘాలు మరియు నిర్మాతల మధ్య జరిగిన ఒప్పందం మేరకు 22.5% వరకు వేతనాలు పెంచుతున్నట్లు నూతన వేతన కార్డును నిర్ణయిస్తున్నట్లు ఫిలిం ఛాంబర్ తాజాగా ప్రకటించింది. ఈ సంవత్సరం ఆగస్టు 22 వ తేదీ నుండి వచ్చే సంవత్సరం ఆగస్టు 22 వ తేదీ వరకు 15% మేరా సినీ కార్మికులకు వేతనాలను పెంపును అమలు చేస్తున్నట్లు నిర్మాతలకు ఫిలిం ఛాంబర్ ఆదేశాలను జారీ చేసింది.

వేతనాలను సంఘాల వారిగా సవరిస్తున్నట్లు కూడా నిర్మాతలకు ఫిలిం ఛాంబర్ తాజాగా లేఖలను పంపినట్లు తెలుస్తోంది. జూనియర్ ఆర్టిస్టులను ఏ , బి , సి అనే మూడు విభాగాలుగా విభజించారు. అందులో ఏ కేటగిరీలో వారికి  1420 గాను రూపాయలు ,  బి కేటగిరీలో వారికి 1175 రూపాయలు గాను  ,  సి కేటగిరీలో variki 930 రూపాయలు ఇవ్వాలి అని ఫిలిం ఛాంబర్ నిర్వహించింది. ఇక ఒక వేళ ఉదయం కనుక అల్పాహారాన్ని సమకూర్చినట్లైతే వారికి 70 రూపాయలు ఇవ్వాలి అని , మధ్యాహ్న భోజనాన్ని కనుక సమకూర్చినట్లైతే వారికి 100 రూపాయలు అదనంగా ఇవ్వాలి అని నిర్ణయించారు.

ఇక ఉదయం 9 గంటల నుండి రాత్రి 9 గంటల వరకు కాల్ షిట్ కి  1470 రూపాయలు గాను ,  ఆఫ్ కాల్ షిట్ కి 735 రూపాయలు చెల్లించే విధంగా ప్రకటనలు జారీ చేశారు. కాల్ షీట్ సమయం నాలుగు గంటలు గంటలు దాటిన తర్వాత పూర్తి వేతనం చెల్లిస్తారు అని తెలియజేశారు. జీతాలు , పని నిబంధనలకు సంబంధించి ఇతర సమస్యలు ఉంటే తెలంగాణ ప్రభుత్వం ఏర్పాటు చేయనున్న కమిటీకి తెలియజేయాలి అని ఫిలిం ఛాంబర్ కార్యదర్శి అయినటువంటి దామోదర ప్రసాద్ తాజాగా తెలిపారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood

Pulgam Srinivas

31/08/2025 07:32 AM