తన ఆలోచనలను పంచుకుంటూ, ఏదైనా ఒక్క ఆలోచనతోనే మొదలవుతుందని అట్లీ తెలిపారు. ఈ సినిమాతో ప్రేక్షకులకు ఒక సరికొత్త అనుభూతిని ఇవ్వడానికి తాము ప్రయత్నిస్తున్నామని ఆయన అన్నారు. ఆడియన్స్ ఆశ్చర్యపోయేలా ఒక కొత్త ప్రపంచాన్ని సృష్టించామని అట్లీ చెప్పుకొచ్చారు.
తమ ప్రయాణంలో ప్రతి అడుగులోనూ దేవుడు తోడున్నాడని, ఆయన దయ వల్ల తాము అనుకున్న విధంగానే అంతా జరుగుతుందని ఆశిస్తున్నానని అట్లీ కామెంట్లు చేశారు. ఇంత భారీ ప్రాజెక్ట్‌ను రూపొందించడం రిస్క్ అని తాను అనుకోవడం లేదని, ప్రస్తుతం ఈ సినిమా నిర్మాణ ప్రక్రియను తాను ఎంతో ఎంజాయ్ చేస్తున్నానని అట్లీ పేర్కొన్నారు. ఈ కాంబినేషన్ మూవీ కోసం సినీ ప్రేమికులు ఎంతో ఆసక్తిగా ఎదురుచూస్తున్నారు.
అల్లు అర్జున్ "పుష్ప2"తో జాతీయ స్థాయిలో తన మార్కెట్‌ను పెంచుకున్న తర్వాత, ఆయన చేసే ప్రతి సినిమా కూడా ప్యాన్ ఇండియా స్థాయిలో ఉండాలని అభిమానులు కోరుకుంటున్నారు. అందుకే, 'జవాన్' వంటి బ్లాక్‌బస్టర్ ఇచ్చిన అట్లీ దర్శకత్వంలో రాబోతున్న ఈ ప్రాజెక్ట్‌పై కేవలం తెలుగులోనే కాక, తమిళం, హిందీ ప్రేక్షకుల్లోనూ భారీ అంచనాలు నెలకొన్నాయి.
భారీ బడ్జెట్, హై టెక్నికల్ వాల్యూస్‌తో తెరకెక్కనున్న ఈ సినిమా ఒక పెద్ద బాధ్యత అయినప్పటికీ, అట్లీ దీనిని రిస్క్గా భావించడం లేదు. "ప్రస్తుతం ఈ సినిమాను ఎంజాయ్ చేస్తున్నాను" అని ఆయన చెప్పడం, ప్రాజెక్ట్ స్క్రిప్ట్ మరియు నిర్మాణ ప్రణాళికపై ఆయనకు ఉన్న పూర్తి నమ్మకాన్ని తెలియజేస్తుంది. కొత్త ప్రపంచాన్ని సృష్టించామనే ఆయన వ్యాఖ్యలు... అల్లు అర్జున్ ను ఇంతకుముందు చూడని ఒక సరికొత్త అవతార్‌లో ప్రెజెంట్ చేయబోతున్నారనే సంకేతాలను ఇస్తున్నాయి. ఈ సినిమా బడ్జెట్ ఏకంగా 700 కోట్ల రూపాయలు అని తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి