ఇదే సమయంలో విజయ్ భాస్కర్‌కీ ఒక పెద్ద అవకాశం వచ్చింది.. అదే బాలకృష్ణతో సినిమా చేయడం. బాలయ్య అప్పటికే యాక్షన్ సినిమాల జోష్‌లో ఉన్న కాలం అది. ఆయనతో సినిమా చేయాలనుకున్న దర్శకులు చాలా మంది ఉన్నారు. ఆ సమయంలో బాలయ్యకు విజయ్ భాస్కర్ మీద ప్రత్యేక నమ్మకం ఏర్పడింది. కారణం, ఆయన గతంలో బి.గోపాల్ దర్శకత్వంలో తెరకెక్కిన “లారీ డ్రైవర్” సినిమాకు అసిస్టెంట్ డైరెక్టర్‌గా పనిచేయడం. ఆ సమయంలో బాలయ్య ఆయన పనితీరును చూసి ఎంతో ఇంప్రెస్ అయ్యారట. ఆ టైంలో త‌న‌తో ఓ సినిమా చేయ‌మ‌ని బాలయ్య విజయ్ భాస్క‌ర్‌ను అడిగార‌ట.
విజయ్ భాస్కర్ కూడా ఆ ప్రాజెక్ట్ కోసం సన్నాహాలు మొదలుపెట్టారు. త్రివిక్రమ్ ఆయన టీమ్‌లో రచయితగా ఉండటంతో, ఈ కాంబినేషన్‌లో బాలయ్యకు డైరెక్ట్‌గా స్క్రిప్ట్ రాయాలన్న ఆలోచన వచ్చింది. కానీ అదే సమయంలో విజయ్ భాస్కర్ “మల్లీశ్వరి” సినిమాతో బిజీగా ఉండడం వల్ల బాలయ్య సినిమా వాయిదా పడింది. ఆ తర్వాత పరిస్థితులు మారి, ప్రాజెక్ట్ పూర్తిగా నిలిచిపోయింది. అప్పటి నుంచి ఇప్పటివరకు త్రివిక్రమ్ - బాలయ్య కాంబినేషన్ కుదరలేదు. ఫ్యాన్స్ మాత్రం ఇప్పటికీ ఈ కలయిక కోసం ఎదురుచూస్తూనే ఉన్నారు. త్రివిక్రమ్ మాటల మాంత్రికత్వం, బాలయ్య మాస్ డైలాగ్ డెలివరీ కలిస్తే థియేటర్లలో సునామీ సృష్టించేది అనే అభిప్రాయం సినీ ప్రేమికులది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి