పుష్ప సీరిస్ సినిమాల‌తో దేశ వ్యాప్తంగా సూపర్ పాపులర్ అయ్యాడు టాలీవుడ్ ఐకాన్ స్టార్ అల్లు అర్జున్. పుష్ప 2 సినిమా అయితే ఏకంగా రు. 1800 కోట్ల గ్రాస్ వ‌సూళ్లు కొల్ల‌గొట్టింది. పుష్ప సీరిస్ రెండు సినిమాలు సూపర్ డ‌ప‌ర్ హిట్ అయ్యాక బ‌న్నీ క్రేజ్ మామూలుగా లేదు. ఈ రెండు సినిమాలు బ‌న్నీ ని ఏకంగా వ‌ర‌ల్డ్ వైడ్ ఐకాన్ స్టార్ గా మార్చేశాయి. ఈ రెండు సినిమాల తర్వాత అల్లు అర్జున్ ఏ మాత్రం వెన‌క్కు త‌గ్గ‌కుండా త‌న సినిమాలు అన్నీ నేషనల్ .. గ్లోబ‌ల్ వైడ్ గా ఉండేలా ప్లాన్ చేసుకుని ముందుకు వెళుతున్నారు. అందుకే పుష్ప 2 సినిమా తర్వాత ముందుగా అనుకున్న త్రివిక్ర‌మ్ సినిమాను ప‌క్క‌న పెట్టేసి మరీ తమిళ ద‌ర్శ‌కుడు అట్లీ తో వెళుతున్నారు. జ‌వాన్ తర్వాత అట్లీ ఎంతో ప్ర‌తిష్టాత్మ‌కంగా ఈ సినిమాను తెర‌కెక్కిస్తున్నారు.
స‌న్ పిక్చ‌ర్స్ సంస్థ ఎంతో ప్ర‌తిష్టాత్మ‌కంగా రు. 700 కోట్ల భారీ బడ్జెట్ తో ఈ సినిమాను నిర్మిస్తోంది. ఈ సినిమాలో వీఎఫ్ఎక్స్‌కు ఎక్కువ ప్రాధాన్యం ఉంటుంద‌ట. ఈ సినిమాను అంత‌ర్జాతీయ స్థాయిలో రిలీజ్ చేసే ప్ర‌య‌త్నాలు జ‌రుగుతున్నాయి. ఇందుకోసం అమెరికాలో పేరున్న వార్న‌ర్ బ్ర‌ద‌ర్స్ తో సంప్ర‌దింపులు జ‌రుపుతున్న‌ట్టు తెలుస్తోంది. ఇదిలా ఉంటే అట్లీ తర్వాత బ‌న్నీ క్రేజీ లైన‌ప్‌తో దూసుకు వెళుతున్నాడు. ఈ సినిమా తర్వాత ద‌ర్శ‌క‌ధీరుడు ఎస్‌. ఎస్‌. రాజమౌళి తో సినిమా చేసేందుకు బ‌న్నీ ప్లాన్ వేసుకుంటున్నాడ‌ట. రాజమౌళి తర్వాత సంజయ్ లీలా బ‌న్సాలీ .. ఆ తర్వాత ప్ర‌శాంత్ నీల్‌తో సినిమాలు చేసేందుకు బ‌న్నీ సిద్ధ‌మ‌వుతున్నాడ‌ట. ఏదేమైనా బ‌న్నీ వ‌రుస‌గా స్ట్రాంగ్ లైనప్ తో అడుగులు వేస్తున్నాడు.
ఈ వాట్సాప్ నెంబ‌ర్‌కు మీ జిల్లాలో రాజకీయ, సామాజిక స‌మ‌స్య‌లు వివ‌రాలు పంపండి..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజకీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి