నిజానికి రేవంత్ రెడ్డి తెలుగుదేశం పార్టీలో ఉన్నప్పుడు జూనియర్ ఎన్టీఆర్‌తో ఆయనకు మంచి అనుబంధం ఉండేది. అయితే సీఎం అయిన తర్వాత రేవంత్ ట్విట్టర్ హ్యాండిల్‌ని పీఆర్ టీమ్ నిర్వహిస్తుండటంతో ఈ సమాధానం వారి ద్వారా వచ్చి ఉండొచ్చని రాజకీయ వర్గాలు భావిస్తున్నాయి. అయినా సరే, ఇటువంటి సందర్భాల్లో జాగ్రత్తగా వ్యవహరించాల్సిన అవసరం ఉందని సోషల్ మీడియాలో అభిప్రాయాలు వ్యక్తమవుతున్నాయి.
జూబ్లీ హిల్స్ ఉప ఎన్నికల్లో మరో ఆసక్తికర అంశం పవన్ కళ్యాణ్ పేరు చుట్టూ తిరుగుతోంది. బీజేపీ తరఫున ఎన్నికల ప్రచారంలో పాల్గొన్న కేంద్ర మంత్రి బండి సంజయ్ పవన్ కళ్యాణ్ మద్దతు తమకేనని బహిరంగ సభల్లో చెప్పడం చర్చనీయాంశమైంది. ఆయన పవన్‌ను “మనవాడే కదా, సినీ హీరో కదా, సనాతన ధర్మానికి కట్టుబడి ఉన్నాడు కదా” అంటూ బీజేపీకి జనసేన ఓట్లు వస్తాయని నమ్మకంగా వ్యాఖ్యానించారు.
ఆంధ్రప్రదేశ్‌లో ఎన్డీఏ కూటమిలో టీడీపీ, బీజేపీ, జనసేన కలసి అధికారంలో ఉన్న నేపథ్యంలో, తెలంగాణలో కూడా ఈ రాజకీయ అనుబంధం ప్రభావం చూపుతుందా అన్నది ఇప్పుడు పెద్ద ప్రశ్నగా మారింది. జూబ్లీ హిల్స్ ఎన్నికల్లో జనసేన స్థానిక నేతలు బీజేపీకి మద్దతు ప్రకటించడంతో, ఆ మద్దతును బీజేపీ విస్తృతంగా ప్రచారంలో ఉపయోగిస్తోంది. ఒక వైపు జూనియర్ ఎన్టీఆర్ ట్వీట్‌పై అభిమానులు ఆగ్రహం వ్యక్తం చేస్తుండగా, మరోవైపు పవన్ కళ్యాణ్ మద్దతు బీజేపీ ప్రచారానికి బలం చేకూర్చుతోంది. దీంతో జూబ్లీ హిల్స్ ఉప ఎన్నికల్లో ఈ ఇద్దరు స్టార్ హీరోల ఫ్యాన్స్ వైఖరి ఎలా ఉండబోతుందన్నది ఇప్పుడు హాట్ టాపిక్‌గా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి