'అర్జున్' ఎంత పెద్ద స్కేల్‌లో తీశారో, దానికి తగ్గట్టుగానే నటీనటుల ఎంపిక జరిగింది. ఇందులో హైలైట్ అయిన మరో ముఖ్యపాత్ర ఆండాళ్! విలన్ షేడ్స్ ఉన్న ఆ పాత్రకు ప్రాణం పోసింది ఒకప్పటి తోపు హీరోయిన్ సరిత. తెలుగులో కథానాయికగా తనకంటూ తిరుగులేని ఇమేజ్ క్రియేట్ చేసుకున్న సరిత.. సెకండ్ ఇన్నింగ్స్‌లో విలన్ పాత్రలకూ సై అంది. 'అర్జున్'లో పవర్ ఫుల్ విలనీ పండించిన ఆండాళ్ పాత్రలో సరిత నటన.. సినిమాకు అసలైన కిక్ ఇచ్చింది. తన విలక్షణ నటనతో విమర్శకుల ప్రశంసలు సైతం అందుకుంది.
అయితే.. ఈ పవర్ హౌస్ యాక్ట్రెస్ సరితకు సంబంధించిన మరో సంచలన విషయం ఇండస్ట్రీలో చర్చనీయాంశంగా మారింది. సరిత సొంత చెల్లెలు కూడా ఒకప్పుడు తెలుగులో క్రేజీ హీరోయిన్! ఆమె పేరు విజీ చంద్రశేఖర్. ఈ పేరు వెంటనే గుర్తు రాకపోవచ్చు కానీ.. 'అఖండ' సినిమాలో బాలకృష్ణకు తల్లిగా నటించి అదరగొట్టిన ఆర్టిస్ట్ ఈమే! సరిత 'అర్జున్స‌లో సూపర్ స్టార్‌కి విలన్‌గా నటిస్తే, ఆమె చెల్లెలు విజీ చంద్రశేఖర్.. నందమూరి నటసింహం బాలకృష్ణకు తల్లిగా పవర్‌ఫుల్ రీ-ఎంట్రీ ఇవ్వడం విశేషం. 1991లో వచ్చిన 'కలియుగం' సినిమాతో తెలుగులో అడుగుపెట్టిన విజీ.. దాదాపు 30 ఏళ్ల భారీ బ్రేక్ తర్వాత.. *అఖండ'తో సెకండ్ ఇన్నింగ్స్ స్టార్ట్ చేసింది.
ఆ తర్వాత తెలుగులో పలు చిత్రాల్లో క్యారెక్టర్ ఆర్టిస్ట్‌గా సెటిల్ అయిన విజీ.. ప్రస్తుతం రామ్ చరణ్ నటిస్తున్న భారీ చిత్రం 'పెద్ది'లో కూడా ముఖ్య పాత్ర పోషిస్తోంది. ఒకప్పుడు అగ్ర కథానాయికలుగా వెలుగు వెలిగి.. ఆ తర్వాత పవర్ ఫుల్ క్యారెక్టర్ ఆర్టిస్టులుగా మారిన ఈ అక్కాచెల్లెళ్లు సరిత, విజీ చంద్రశేఖర్ ఇద్దరూ.. తెలుగు సినిమా చరిత్రలో తమదైన ముద్ర వేశారు. మహేష్ బాబు 'అర్జున్' విలన్ సిస్టర్.. బాలయ్య 'అఖండ' తల్లి! ఈ మాస్ కనెక్షన్ ఈనాటికీ సినీ అభిమానులకు షాక్ ఇస్తుంది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి