అయితే, అసలు సెన్సేషన్ ఇంకోటి ఉంది. ఈ చిత్రంలో మహేష్ బాబుకు గురువు పాత్రగా తమిళ సూపర్ స్టార్ రజనీకాంత్ ని తీసుకురావడానికి రాజమౌళి ప్రత్యేకంగా ప్రయత్నిస్తున్నాడని ఇండస్ట్రీలో గట్టిగా వినిపిస్తోంది. రజనీగారు కూడా ఈ పాత్రకు ప్రాధమికంగా అంగీకారం తెలిపారనే టాక్ బలంగా ఉంది. ఆయన పాత్ర, గెటప్, రోల్ ఇంపార్టెన్స్ వంటి వివరాలను వెల్లడించడానికి రాజమౌళి మరో భారీ ఈవెంట్‌ను ప్లాన్ చేస్తున్నాడని తెలుస్తోంది.అయితే ఆ ఈవెంట్ జరగడానికి ఇంకా సుమారు ఆరు నెలల సమయం ఉండటంతో, రజనీకాంత్ పాత్రకు సంబంధించిన ఎలాంటి విషయమూ ప్రస్తుతం బయటకు రాకుండా రాజమౌళి కఠిన గోప్యత పాటిస్తున్నాడు. రజనీకాంత్ సినిమాలో ఉన్నారనే విషయాన్ని కూడా టీమ్ అత్యంత రహస్యంగా ఉంచినట్టుగా చెప్పుకుంటున్నారు.
ఇద్దరు సూపర్ స్టార్లు—మహేష్ బాబు మరియు రజనీకాంత్—ఒకే సినిమాలో కనిపించడం సౌత్ ఇండియన్ సినిమా ఇండస్ట్రీలో అరుదైన సంఘటన. ఇది నిజమైతే ‘వారణాసి’ హైప్ ఆకాశాన్ని అంటడం ఖాయం. ఇండియన్ బాక్సాఫీస్‌లో ఈ సినిమాకు సమానం అయ్యే మరో ప్రాజెక్ట్ ఉండదని విశ్లేషకుల అభిప్రాయం. ఈ కాంబినేషన్ వల్ల దేశవ్యాప్తంగా మాత్రమే కాకుండా గ్లోబల్ మార్కెట్లో కూడా భారీ రికార్డులు నమోదయ్యే అవకాశాలు ఉన్నాయి. రజనీకాంత్ నిజంగా గురువు పాత్రలో నటిస్తే, మహేష్ బాబుతో ఆయన స్క్రీన్‌పై కనిపించే ప్రతి సీన్ ప్రేక్షకులను థియేటర్లలో కేకలు వేయించే స్థాయిలో ఉంటుంది. ఈ సినిమాతో రాజమౌళి తిరిగి ఇండియన్ సినిమా స్టాండర్డ్స్‌ను అంతర్జాతీయ స్థాయికి తీసుకెళ్లబోతున్నాడన్న మాటలో ఎటువంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి