అనసూయ కెరీర్‌ ఒక్క యాంకరింగ్ వరకే పరిమితం కాలేదు. సిల్వర్ స్క్రీన్‌ నుండి వచ్చిన అవకాశాలను సద్వినియోగం చేసుకుంటూ సినిమాల్లో కూడా తనదైన ముద్ర వేసుకుంది. గ్లామర్ రోల్స్ మాత్రమే కాకుండా, కఠినమైన భావోద్వేగ పాత్రలకూ ఆమె సమానంగా న్యాయం చేస్తూ నటిగా తన ప్రతిభను నిరూపించింది. 40 ఏళ్ల వయస్సులో కూడా ఆమె చూపించే ఫిట్‌నెస్, గ్లామర్—యువ హీరోయిన్లకు సవాలు విసురుతుంది. రెగ్యులర్ వర్కౌట్స్, హెల్తీ లైఫ్‌స్టైల్‌ ఫాలో అవుతూ ఫిజిక్‌ను మెయింటైన్ చేసే విషయంలో అనసూయ చూపే కట్టుదిట్టమైన శ్రద్ధ ఎందరో అభిమానులను ఆశ్చర్యపరుస్తుంది. సోషల్ మీడియాలో కూడా ఆమెకి భారీ ఫాలోయింగ్ ఉంది. ప్రతి ఫోటో, ప్రతి వీడియో అభిమానుల మధ్య వైరల్ అవుతుంది. అనసూయ చేసే స్టైలిష్ పోజులు, ఫన్ రీల్స్, ట్రావెల్ ఫోటోలు—అన్నీ అభిమానులకు ఒక విజువల్ ట్రీట్‌.
ఇదిలా ఉంటే, తాజాగా ఆమె గతంలో భర్తతో కలిసి వెళ్లిన వెకేషన్‌కు సంబంధించిన ఒక వీడియో మళ్లీ సోషల్ మీడియాలో వైరల్‌గా మారింది. అనసూయ స్వయంగా షేర్ చేసిన ఆ అందమైన మెమరీస్‌ను కొంతమంది దుర్మార్గులు తప్పుగా ఎడిట్ చేసి అశ్లీల కోణంలో చూపించే ప్రయత్నం చేయడం తీవ్ర నిరసనకు గురవుతోంది. ఆ వీడియో ఫోటోలను వక్రీకరించి పలు ప్లాట్‌ఫార్మ్‌లలో షేర్ చేయడంతో అనసూయ అభిమానులు ఆగ్రహం వ్యక్తం చేస్తున్నారు. “ఇలాంటి వీడియోలు చేసి షేర్ చేయడానికి కూడా సిగ్గు, శరం ఉండాలి”, “మీ ఇంట్లో ఆడవారు లేరా?” అంటూ నెటిజన్లు ఆ వక్రబుద్ధి వ్యక్తులపై మండిపడుతున్నారు. ఒక మహిళ గౌరవాన్ని దెబ్బతీసే ప్రయత్నం చేయడం ఎంత దారుణమో అంటూ సోషల్ మీడియాలో చర్చలు జరుగుతున్నాయి. ఈ ఘటనపై అనసూయ స్వయంగా ఎలా స్పందిస్తుందో అన్నది ఇప్పుడు అందరి దృష్టిని ఆకర్షిస్తోంది. గతంలో కూడా ట్రోల్స్‌కు పలు సందర్భాలలో బదులు ఇచ్చిన అనసూయ, ఈసారి ఏ విధంగా రియాక్ట్ అవుతుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి