అయితే ఈ ఈవెంట్లో అందరి దృష్టినీ ఆకర్షించిన విషయమే ప్రభాస్ యొక్క కొత్త లుక్. చాలా రోజుల తర్వాత పూర్తిగా సన్నగా, లీన్గా కనిపించిన ప్రభాస్ను చూసి అభిమానులు షాక్ అయ్యేంతగా సంతోషిస్తున్నారు. గత కొంతకాలంగా ఆయన భారీ బల్కీ లుక్లోనే కనిపించిన విషయం తెలిసిందే. ముఖ్యంగా ‘స్పిరిట్’ చిత్ర షూటింగ్ కారణంగా ఆయన పబ్లిక్ ఈవెంట్లకు దూరంగా ఉన్నారు. ఆ సినిమా లుక్ బయటకు రాకుండా ఉండేందుకు మేకర్స్ కూడా ఆయన పబ్లిక్ అపియరెన్సులు కట్టడి చేశారు.
ప్రస్తుతం ప్రభాస్ సందీప్ రెడ్డి వంగా దర్శకత్వంలో రూపొందుతున్న ‘స్పిరిట్’ చిత్రంలో నటిస్తున్న విషయం తెలిసిందే. ఈ సినిమాలో ఆయన పూర్తిగా న్యూ లుక్లో కనిపించబోతున్నారని గతంలోనే కొంత సమాచారం వచ్చింది. ఇప్పుడు జపాన్ ఈవెంట్లో కనిపించిన ఈ లీన్ లుక్ నిజంగా ‘స్పిరిట్’ కోసం మార్చుకున్నదేనా? అనే ప్రశ్నపై సోషల్ మీడియాలో హాట్ డిబేట్ నడుస్తోంది. కొంతమంది ఫ్యాన్స్ ..“ఇదే స్పిరిట్ లుక్…! ఎంత సన్నగా, ఎంత ఎనర్జీగా కనిపిస్తున్నాడో చూడండి. ఇదే మా డార్లింగ్ అసలు లుక్!” అంటున్నారు. ఇంకొందరు సరదాగా కామెంట్ చేస్తూ..“ఇలా కనిపిస్తుంటే మై సూర్ పాక్ లా కొరుక్కుని తినేయాలి అని ఉంది.. డార్లింగ్ని ఇంత అందంగా మళ్లీ చూడడం నిజంగా వేరే ఫీల్!” అంటున్నారు. ప్రభాస్ న్యూ లుక్స్ బాగా ట్రెండ్ అవుతున్నాయి..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి