సినిమా షూటింగ్ పూర్తికావడం ఒకెత్తు అయితే, దాన్ని వెండితెరపై అద్భుతంగా ప్రెజెంట్ చేయడం మరో ఎత్తు. జనవరి 9న సినిమా రిలీజ్ కావాల్సి ఉండటంతో, మారుతి గత కొన్ని వారాలుగా ప్రసాద్ ల్యాబ్స్లోనే తిష్ట వేశారు. గడచిన 120 రోజులకు పైగా టెక్నికల్ టీమ్ రోజుకు 16 నుండి 18 గంటల పాటు శ్రమిస్తోంది. పగలు ఎడిటింగ్ రూమ్లో, రాత్రి రీ-రికార్డింగ్ స్టూడియోలో మారుతి పడుతున్న కష్టం చూసి తోటి టెక్నీషియన్లే ఆశ్చర్యపోతున్నారు.మారుతికి ఇది కేవలం ఒక సినిమా కాదు.. ఒక సవాల్. ప్రభాస్ను ‘బాహుబలి’ రేంజ్లో కాకుండా, ఒక పక్కా వింటేజ్ లుక్లో, ఆ పాత ‘డార్లింగ్’ రోజులను గుర్తు చేసేలా చూపిస్తున్నందుకు మారుతి ప్రతి ఫ్రేమ్ను ఎంతో జాగ్రత్తగా చెక్కుతున్నారు. ప్రసాద్ ల్యాబ్స్లో ఫైనల్ అవుట్ పుట్ చూసిన ప్రతిసారీ మారుతి మొఖంలో కనిపిస్తున్న కాన్ఫిడెన్స్, థియేటర్లలో ఫ్యాన్స్ చేసే రచ్చకు సంకేతం.
ప్రస్తుతం ప్రసాద్ ల్యాబ్స్లో ప్రధానంగా చర్చ జరుగుతున్నది ఈ సినిమా క్లైమాక్స్ గురించి. దాదాపు 40 నిమిషాల పాటు సాగే క్లైమాక్స్ ఎపిసోడ్ ఈ సినిమాకు ప్రాణం అని టాక్. దీని కోసం మారుతి అండ్ టీమ్ అక్షరాలా 70 రోజులకు పైగా షూట్ చేశారు. ఇప్పుడు ఆ విజువల్స్ కు గ్రాఫిక్స్ మరియు సౌండ్ ఎఫెక్ట్స్ జోడించే పనిలో మారుతి నిమగ్నమయ్యారు.“ఈ క్లైమాక్స్ చూశాక ఫ్యాన్స్ కు సీట్లలో కూర్చోవడం కష్టమే” అని మారుతి తన సన్నిహితులతో అన్నారట. హారర్ ఎలిమెంట్స్ కు కామెడీని జోడిస్తూనే, ప్రభాస్ మాస్ స్వాగ్ను ఎలివేట్ చేసేలా ఈ క్లైమాక్స్ ఉండబోతోంది. ఇండియన్ స్క్రీన్ మీద ఇప్పటివరకు చూడని ఒక విభిన్నమైన ఎపిసోడ్ ఈ సినిమాలో ఉండబోతుందని మారుతి ఇప్పటికే హింట్ ఇచ్చారు.
ఇటీవల జరిగిన ప్రీ-రిలీజ్ ఈవెంట్లో మారుతి స్టేజ్ మీద ఎమోషనల్ అయ్యి కన్నీళ్లు పెట్టుకోవడం అందరినీ కదిలించింది. అది కేవలం ఆనందం మాత్రమే కాదు, ఈ మూడు సంవత్సరాల ప్రయాణంలో ఆయన అనుభవించిన ఒత్తిడి మరియు ప్రభాస్ తనపై ఉంచిన నమ్మకానికి గుర్తు. “నేను ఈ సినిమా కోసం ప్రాణం పెట్టాను.. ఒక్క శాతం ఎవరైనా నిరాశ చెందితే నా ఇంటికి వచ్చి అడగండి” అంటూ మారుతి చేసిన ఛాలెంజ్, ఆయన ఈ సినిమాను ఎంత అద్భుతంగా మలిచారో చెబుతోంది.ప్రసాద్ ల్యాబ్స్లో అవుట్ పుట్ చూస్తున్నప్పుడు ప్రభాస్ నటన చూసి మారుతికి కన్నీళ్లు ఆగలేదట. ముఖ్యంగా ప్రభాస్ పండించిన కామెడీ టైమింగ్ మరియు ఆ మాస్ యాటిట్యూడ్ ఈ సినిమాను మరో లెవల్కు తీసుకెళ్లాయని మారుతి గట్టిగా నమ్ముతున్నారు.
నిధి అగర్వాల్, మాళవిక మోహనన్, రిద్ది కుమార్ వంటి హీరోయిన్లు ఉన్నప్పటికీ, అందరి కళ్లు కేవలం ప్రభాస్ మీదే ఉన్నాయి. సంజయ్ దత్ ప్రతినాయకుడిగా ఉండటం సినిమాకు మరింత వెయిట్ ఇచ్చింది. పీపుల్ మీడియా ఫ్యాక్టరీ ఎక్కడా ఖర్చుకు వెనకాడకుండా, 400-450 కోట్ల భారీ బడ్జెట్తో ఈ వండర్ను నిర్మించింది.మారుతి పడుతున్న కష్టం, ప్రసాద్ ల్యాబ్స్లో ఆయన చేస్తున్న పోరాటం వృధా పోదని ట్రేడ్ వర్గాలు కూడా అంచనా వేస్తున్నాయి. ప్రభాస్ అభిమానుల ఆకలి తీర్చేలా, ఒక పక్కా కమర్షియల్ విందు భోజనం సిద్ధమైపోయింది.
డైరెక్టర్ మారుతి తన కెరీర్లోనే అత్యంత కష్టపడి చేసిన సినిమా ‘ది రాజా సాబ్’. ప్రసాద్ ల్యాబ్స్లో ఆయన పడుతున్న తపన, ప్రభాస్ మీద ఆయనకున్న గౌరవం కచ్చితంగా స్క్రీన్ మీద కనిపిస్తుంది. జనవరి 9న థియేటర్లలో ‘రాజా సాబ్’ చేసే ర్యాంపేజ్ చూడటానికి ప్రపంచవ్యాప్తంగా రెబల్ స్టార్ ఫ్యాన్స్ ఊపిరి బిగబట్టి ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి