నైజాం మార్కెట్లో ఇప్పటివరకు నాన్-రాజమౌళి రికార్డుల విషయంలో అల్లు అర్జున్ 'అల వైకుంఠపురంలో' అగ్రస్థానంలో ఉంది. అయితే, 'మన శంకర వరప్రసాద్ గారు' చిత్రానికి వస్తున్న స్పందన చూస్తుంటే, లాంగ్ రన్లో ఈ సినిమా బన్నీ రికార్డులను కూడా క్రాస్ చేసే అవకాశం ఉందని విశ్లేషకులు అంచనా వేస్తున్నారు. ఇప్పటికే పలు ఏరియాల్లో 'వాల్తేరు వీరయ్య' రికార్డులను ఈ సినిమా దాటేసింది.
ప్రపంచవ్యాప్తంగా ఈ చిత్రం ఇప్పటికే ₹261 కోట్ల గ్రాస్ వసూళ్లను సాధించింది. కేవలం వారం రోజుల్లోనే ఈ ఘనత సాధించడం అంటే అది మెగాస్టార్ స్టామినాకు నిదర్శనం.ప్రిమియర్లు మరియు తొలి రోజు కలిపి ₹84 కోట్ల గ్రాస్ సాధించి చిరంజీవి కెరీర్లోనే బిగ్గెస్ట్ ఓపెనర్గా నిలిచింది. రెండో వారం కూడా పెద్ద సినిమాల పోటీ లేకపోవడంతో, అతి త్వరలోనే ఈ చిత్రం ప్రతిష్టాత్మకమైన ₹300 కోట్ల క్లబ్లోకి చేరడం ఖాయంగా కనిపిస్తోంది.నైజాం ఆడియన్స్కు పక్కా మాస్ ఎలిమెంట్స్ మరియు ఫ్యామిలీ ఎమోషన్స్ ఉంటే చాలా ఇష్టం.వింటేజ్ చిరంజీవిని గుర్తు చేసేలా అనిల్ రావిపూడి రాసిన కామెడీ డైలాగులు థియేటర్లలో నవ్వులు పూయిస్తున్నాయి. సినిమాలో విక్టరీ వెంకటేష్ స్పెషల్ అప్పీరెన్స్ నైజాం ఆడియన్స్కు పెద్ద సర్ప్రైజ్. ఇద్దరు అగ్ర హీరోలను ఒకే ఫ్రేమ్లో చూస్తుంటే ఫ్యాన్స్కు పూనకాలు వస్తున్నాయి.భీమ్స్ సిసిరోలియో అందించిన మాస్ బీట్స్ కు నైజాం యూత్ థియేటర్లలో డాన్సులతో రచ్చ చేస్తున్నారు.
మొత్తానికి 'మన శంకర వరప్రసాద్ గారు' బాక్సాఫీస్ వద్ద పక్కా 'మెగా' బ్లాక్ బస్టర్ అనిపించుకుంది. నైజాం ఏరియాలో చిరంజీవి సృష్టిస్తున్న ఈ ప్రభంజనం చూస్తుంటే, ఆయనను ఎందుకు 'బాక్సాఫీస్ సుల్తాన్' అంటారో మరోసారి నిరూపితమైంది. సంక్రాంతి సీజన్ ముగిసినా బాస్ హవా మాత్రం తగ్గడం లేదు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి