ఇలాంటి సమయంలో తాజాగా ఓ వార్త టాలీవుడ్ వర్గాల్లోనే కాకుండా సోషల్ మీడియాలో కూడా తెగ చక్కర్లు కొడుతోంది. అదేంటంటే… హీరోయిన్ శ్రీలీలా, అక్కినేని అఖిల్ హీరోగా నటించబోయే తన నెక్స్ట్ సినిమాలో హీరోయిన్గా ఫిక్స్ అయిందన్న టాక్. ఈ వార్త బయటకు రాగానే నెటిజన్లు, ఫ్యాన్స్ మధ్య పెద్ద ఎత్తున చర్చ మొదలైంది.అక్కినేని అఖిల్ విషయానికి వస్తే, ఇప్పటివరకు అతని కెరీర్లో సాలిడ్ హిట్ ఒక్కటైనా లేదన్నది కఠినమైన నిజం. మొదటి సినిమా నుంచి ఇప్పటివరకు చేసిన ప్రతీ సినిమా మీద భారీ అంచనాలు ఉన్నప్పటికీ, అవి బాక్సాఫీస్ దగ్గర ఆశించిన స్థాయిలో సక్సెస్ సాధించలేకపోయాయి. దాంతో “ఈ హీరో నుంచి ఇక హిట్ వస్తుందా?” అన్న అనుమానాలు ఫ్యాన్స్లోనే కాదు, ట్రేడ్ వర్గాల్లో కూడా పెరిగిపోయాయి.అయితే అలాంటి పరిస్థితుల్లో అఖిల్ మాత్రం వెనక్కి తగ్గకుండా వరుస ప్రాజెక్ట్లకు గ్రీన్ సిగ్నల్ ఇస్తూ ముందుకెళ్తున్నాడు. ఇటీవలే లనిన్ అనే సినిమాకు కమిట్ కావడం, ఆ తర్వాత వ్యక్తిగత జీవితంలో పెళ్లి చేసుకుని కొత్త అధ్యాయాన్ని మొదలుపెట్టడం… ఇలా బ్యాక్ టు బ్యాక్ గుడ్ న్యూస్తో వార్తల్లో నిలుస్తున్నాడు. ఇప్పుడు అదే సమయంలో తన నెక్స్ట్ సినిమాలో శ్రీలీలను హీరోయిన్గా తీసుకున్నారన్న ప్రచారం మరింత హీట్ పెంచేస్తోంది.
ఈ మొత్తం కాంబో వెనక ఉన్నది ఎవరు అంటే… డైరెక్టర్ అనిల్ రావిపూడి పేరు బలంగా వినిపిస్తోంది. అనిల్ రావిపూడి అంటే కామెడీ, ఫ్యామిలీ ఎంటర్టైనర్లకు పెట్టింది పేరు. ఇటీవలే ఆయన తెరకెక్కించిన సినిమా బ్లాక్బస్టర్ హిట్గా నిలిచి, ఆయన ఖాతాలో మరో సూపర్ డూపర్ సక్సెస్ చేరింది. దాంతో అనిల్ రావిపూడి తీసుకునే ప్రతి నిర్ణయం మీద ఇండస్ట్రీ దృష్టి పడుతోంది.ఇప్పుడాయన అక్కినేని అఖిల్తో కలిసి ఒక ఫుల్ లెంగ్త్ కామెడీ ఫ్యామిలీ ఎంటర్టైనర్ ప్లాన్ చేస్తున్నారట. ఇందులో హీరోయిన్గా శ్రీలీలను తీసుకోవాలన్న ఆలోచనతోనే ఈ కాంబినేషన్ బయటకు వచ్చిందని టాక్. యూత్కు కనెక్ట్ అయ్యే ఎనర్జీ ఉన్న హీరోయిన్, కామెడీ టైమింగ్ ఉన్న దర్శకుడు… వీళ్ల మధ్య అఖిల్ను ఫిట్ చేయాలన్నది అనిల్ రావిపూడి ప్లాన్గా చెబుతున్నారు.
అయితే ఈ వార్త బయటకు రాగానే అఖిల్ ఫ్యాన్స్తో పాటు కొంతమంది నెటిజన్లు తీవ్రంగా స్పందిస్తున్నారు. “ఇన్ని హిట్లు ఇచ్చిన డైరెక్టర్, వరుస డిజాస్టర్లు ఎదుర్కొన్న హీరోతో ఎలా సినిమా ఒప్పుకున్నాడు?” అంటూ సోషల్ మీడియాలో కామెంట్లు వెల్లువెత్తుతున్నాయి. మరికొందరైతే “అనిల్ రావిపూడి స్టైల్లో కామెడీ సినిమాకు అఖిల్ సెట్ అవుతాడా?” అన్న సందేహాన్ని కూడా వ్యక్తం చేస్తున్నారు.ఇంకొంతమంది మాత్రం దీనికి భిన్నంగా స్పందిస్తూ, “హీరోకి హిట్లు లేవన్న కారణంతో అవకాశాలు ఇవ్వకపోతే కొత్తగా ఏం వస్తుంది?”, “ఒక మంచి దర్శకుడి చేతిలో పడితే అఖిల్ కెరీర్ టర్నింగ్ పాయింట్ రావచ్చు” అంటూ పాజిటివ్గా మాట్లాడుతున్నారు. శ్రీలీలా లాంటి క్రేజ్ ఉన్న హీరోయిన్ తోడైతే సినిమాపై బజ్ ఆటోమేటిక్గా పెరుగుతుందని కూడా అంటున్నారు.
మొత్తానికి అఖిల్ – శ్రీలీలా – అనిల్ రావిపూడి కాంబో నిజంగానే సెట్ అయిందా? లేక ఇప్పటికి ఇది కేవలం ప్రచారమేనా? అధికారిక ప్రకటన వచ్చే వరకు క్లారిటీ రావడం కష్టం. ఈ ప్రాజెక్ట్ నిజమైతే మాత్రం అఖిల్ కెరీర్కు ఇది పెద్ద ఛాన్స్ అవుతుందనడంలో ఎలాంటి సందేహం లేదు.అయితే ఈ కాంబినేషన్ ఎంతవరకు వర్క్ అవుతుంది, అనిల్ రావిపూడి అఖిల్ను కొత్తగా ఎలా ప్రెజెంట్ చేస్తాడు, శ్రీలీలా పాత్ర సినిమాలో ఎంత కీలకంగా ఉండబోతోంది అన్న వివరాలు తెలియాలంటే మాత్రం ఇంకొంతకాలం వేచి చూడాల్సిందే. అప్పటివరకు ఈ వార్త టాలీవుడ్లో హాట్ టాపిక్గా కొనసాగడం మాత్రం ఖాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి