చాలా కాలంగా అమీర్ ఖాన్ తీవ్రమైన మైగ్రేన్ (పార్శ్వనొప్పి) తో బాధపడేవారట. ఎన్ని మందులు వాడినా ఫలితం లేకపోవడంతో, ఆయన తన ఆహారపు అలవాట్లను పూర్తిగా మార్చుకున్నారు. శరీరంలో మంటను (Inflammation) తగ్గించే ఆహారం తీసుకోవడం వల్ల కేవలం 15 రోజుల్లోనే ఆయన మైగ్రేన్ మాయమైపోయిందట. "నొప్పి తగ్గడమే కాదు, నా శరీరంలో ఒక తెలియని ఎనర్జీ వచ్చింది" అని అమీర్ పేర్కొన్నారు.అమీర్ ఖాన్ పాటించిన ఈ డైట్ ప్లాన్ ఇప్పుడు ఫిట్నెస్ ఫ్రీక్స్కు హాట్ టాపిక్గా మారింది. ఆయన తన ఆహారం నుంచి కొన్నిటిని పూర్తిగా తొలగించారు: చక్కెర మరియు గోధుమ పిండి (గ్లూటెన్) పదార్థాలను అమీర్ ముట్టలేదట. ఇవి శరీరంలో ఇన్ఫ్లమేషన్ను పెంచుతాయని ఆయన గుర్తించారు.పాల ఉత్పత్తులను తగ్గించి, ప్రోటీన్ కోసం పప్పు ధాన్యాలు, కూరగాయలు మరియు పండ్లకు ప్రాధాన్యత ఇచ్చారు.యాంటీ ఆక్సిడెంట్స్ ఎక్కువగా ఉండే బెర్రీలు, వాల్ నట్స్, బాదం వంటివి తన డైట్లో చేర్చుకున్నారు.
అమీర్ ఖాన్ మాటల ప్రకారం.. మన బరువులో 80% ఆహారం మీద, 20% వ్యాయామం మీద ఆధారపడి ఉంటుంది. "నేను కేవలం ఆహారాన్ని నియంత్రించడం ద్వారానే నా బాడీని షేప్లోకి తెచ్చుకున్నాను. మైగ్రేన్ తగ్గడం వల్ల నా నిద్ర బాగుపడింది, దాంతో ఒత్తిడి తగ్గి బరువు సులువుగా తగ్గాను" అని అమీర్ వివరించారు. ఈ న్యూస్ విన్న నెటిజన్లు "జిమ్కు వెళ్లకుండా తగ్గొచ్చా.. అయితే మనకూ ఇది సాధ్యమే!" అంటూ కామెంట్లతో హోరెత్తిస్తున్నారు.ప్రస్తుతం అమీర్ ఖాన్ తన తదుపరి చిత్రం 'సితారే జమీన్ పర్' కోసం సిద్ధమవుతున్నారు. ఈ సినిమా షూటింగ్ సమయంలో ఆయన లుక్ చూసి యూనిట్ సభ్యులే షాక్ అయ్యారట. మొహంపై గ్లో పెరగడం, బాడీ చాలా లైట్ గా మారడంతో అమీర్ మళ్ళీ తన వింటేజ్ లుక్లోకి వచ్చేశారు. ఈ యాంటీ ఇన్ఫ్లమేటరీ డైట్ కేవలం బరువు తగ్గడానికే కాదు, చర్మాన్ని మెరిపించడానికి కూడా ఉపయోగపడుతుందని అమీర్ నిరూపించారు.
మిస్టర్ పర్ఫెక్ట్ మరోసారి తన వెరైటీ డైట్ ప్లాన్తో అందరికీ ఆదర్శంగా నిలిచారు. ఆరోగ్యం అనేది జిమ్లో కాదు, మనం వంటింట్లో వండుకునే తిండిలో ఉందని ఆయన చాటిచెప్పారు. మైగ్రేన్ లాంటి సమస్యలతో బాధపడేవారికి, బరువు తగ్గాలనుకునేవారికి అమీర్ ఖాన్ చెప్పిన ఈ 'సీక్రెట్ డైట్' ఒక వరమనే చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి