వరుణ్ సందేశ్ హీరోగా, మధులిక వారణాసి హీరోయిన్‌గా ఆర్యన్ సుభాష్ తెరకెక్కించిన చిత్రం ‘కానిస్టేబుల్’. బలగం జగదీష్ నిర్మించిన ఈ మూవీ తాజాగా విడుదలైంది. ఈ వారంలో ఆడియెన్స్‌ను పలకరించేందుకు వచ్చిన ఈ చిత్రం ఎలా ఉంది? ఈ మూవీ కథ ఏంటి? వరుణ్ సందేశ్ హిట్టు కొట్టాడా? లేదా? అన్నది చూద్దాం. ఈ వారం ఆడియెన్స్ ముందుకు వచ్చింది. ఈ మూవీలో కానిస్టేబుల్‌గా వరుణ్ సందేశ్ ఏ మేరకు ఆకట్టుకున్నాడు? అసలు ఈ మూవీ కథ ఏంటి? అన్నది చూద్దాం..

కథ
శంకరపల్లి ఊర్లో సీరియల్ కిల్లర్ చెలరేగిపోతోంటాడు. ఆ ఊర్లో ఆడ, మగ అన్న తేడా లేకుండా వరుసగా హత్యలు జరుగుతుంటాయి. ఇక ఈ కేసుని ఛేదించడం పోలీసులకు పెద్ద సవాలుగా మారుతుంది. అక్కడి లోకల్ స్టేషన్‌లోనే కాశీ (వరుణ్ సందేశ్) కానిస్టేబుల్‌గా పని చేస్తుంటాడు. ఇక ఈ సీరియల్ కిల్లర్ కత్తికి కాశీ మేనకోడలు కీర్తి (నిత్య శ్రీ) కూడా బలి అవుతుంది. దీంతో ఈ కేసుని మరింత పర్సనల్‌గా తీసుకుంటాడు కాశీ. ఈ మేరకు చేసిన విచారణలో కాశీ తెలుసుకున్నది ఏంటి? ఎక్కడికి వెళ్లినా సరే డోర్స్ మూసుకుపోతూ ఉంటే కాశీ ఏం చేశాడు? కేసుని ఎలా సాల్వ్ చేశాడు? అన్నది కథ.

విశ్లేషణ
క్రైమ్ కథలు చదవడానికి, చూడటానికి, వినటానికి బాగుంటాయి. ఇలాంటి సీరియల్ కిల్లింగ్ స్టోరీస్‌ను సినిమా తీస్తే ఇష్టపడే ఓ వర్గం కూడా ఉంటుంది. ఇలాంటి క్రైమ్ స్టోరీలు ఎక్కువగా సీట్ ఎడ్జ్ థ్రిల్లింగ్ మూమెంట్స్‌ను కలిగిస్తాయి. అందుకే మేకర్స్ ఎక్కువగా ఇలాంటి క్రైమ్ కథల్ని ఎంచుకుంటారు. క్రైమ్ జరిగే తీరు, ఆ నేపథ్యాన్ని కొత్తగా చూపిస్తే సినిమా మరింతగా అందరికీ రీచ్ అవుతుంది. కానిస్టేబుల్ విషయంలో ఆ కొత్తదనం కనిపిస్తుంది.

ఫస్ట్ హాఫ్ అంతా కూడా మర్డర్స్ జరిగే తీరుని చూపిస్తారు. అసలు కిల్లర్ ఎవరు? అన్నది దాచి పెట్టి సస్పెన్స్ మెయింటైన్ చేస్తారు. ఇంటర్వెల్‌కి వచ్చే ట్విస్ట్‌కు మైండ్ బ్లాక్ అవుతుంది. ఆ తరువాత సెకండాఫ్ అంతా కూడా కేసుని ఛేదించే క్రమంలో కాశీ చేసే ప్రయత్నాల్ని చూపించారు. చివరకు ఎవ్వరూ ఊహించని విలన్‌ను తెరపైకి తీసుకు వచ్చి అందరినీ ఆశ్చర్యపరుస్తారు.

ఇలాంటి చిత్రాలకు సాంకేతిక బృందం సరిగ్గా సపోర్ట్ చేస్తే రిజల్ట్ నెక్ట్స్ లెవెల్లో ఉంటుంది. కానిస్టేబుల్ కోసం చేసిన ఆర్ఆర్, మ్యూజిక్ ఆకట్టుకుంటుంది. షేక్ హజారా కెమెరా పనితనం కూడా మెప్పిస్తుంది. ఫ్రేమింగ్, సీన్లకు తగ్గట్టుగా ఛేంజ్ కలర్స్ ఆ మూడ్‌ను రిఫ్లెక్ట్ చేసేలా ఉంటుంది. మాటలు, పాటలు ఓకే అనిపిస్తాయి. ఎడిటింగ్, ఆర్ట్, నిర్మాత బలగం జగదీష్ ప్రొడక్షన్ వ్యాల్యూస్ ఇలా అన్నీ కూడా సినిమా స్థాయికి తగ్గట్టుగా ఉంటాయి.

నటీనటుల విషయానికి వస్తే.. కానిస్టేబుల్‌గా కాశీ పాత్రలో వరుణ్ సందేశ్ కొత్తగా కనిపిస్తాడు. వరుణ్ సందేశ్ లుక్స్, యాక్టింగ్ ఇలా అన్నీ బాగుంటాయి. హీరోయిన్‌గా మధులిక పాత్ర పర్వాలేదనిపిస్తుంది. ఇక భవ్య శ్రీ, నిత్య శ్రీ పాత్రలు కూడా ఓ మోస్తరుగా మెప్పిస్తాయి. మిగిలిన పాత్రల్లో అందరూ తమ పరిధి మేరకు నటించి మెప్పించారని చెప్పుకోవచ్చు.

రేటింగ్ 3
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

conistable varunsandesh madhulika movie review

Chakravarthi Kalyan

11/10/2025 06:51 PM