పోలి పాడ్యమి అంటే ఏమిటి?
స్కంద పురాణం ప్రకారం కార్తిక మాసం చివరి రోజైన అమావాస్య తర్వాత వచ్చే పాడ్యమినే ‘పోలి పాడ్యమి’ అని అంటారు. ఈ రోజు దేవతలు, ఋషులు, పితృదేవతలు భూమిని దర్శించుతారని విశ్వాసం. మహిళలు దీపాలను ప్రవాహంలో వదిలి, పోలి కథను విని, శివార్చన చేస్తే పాప విమోచనం కలుగుతుందని చెబుతారు.
2025లో పోలి స్వర్గం ఎప్పుడు?
2025 సంవత్సరానికి సంబంధించిన పంచాంగాల ప్రకారం: పాడ్యమి తిథి ప్రారంభం: నవంబర్ 20 – మధ్యాహ్నం నుంచి..తిథి కొనసాగింపు: నవంబర్ 21 తెల్లవారుజామున వరకు..హిందూ శాస్త్రాల్లో తెల్లవారు జామున ఉన్న తిథినే ఆచరణలో పాటించాలి కాబట్టి, 2025 నవంబర్ 21ననే పోలి స్వర్గం/పోలి పాడ్యమి ఉత్సవాన్ని జరుపుకోవాలి అని పంచాంగకర్తలు సూచిస్తున్నారు.
పోలి స్వర్గం కథ – ఎవరు ఈ పోలి?
పురాణ కథనం ప్రకారం పోలి అనే భక్త మహిళ తన భర్త కోసం, కుటుంబ శ్రేయస్సు కోసం ప్రతిరోజూ దీపం వెలిగించి పూజలు చేసేది. ఒక రోజు దైవసంకల్పం వల్ల ఆమె శరీరం విడిచింది. అయితే ఆమె కార్తిక మాసంలో నిరంతర దీపారాధన చేసిన పుణ్యఫలంతో సూటిగా స్వర్గానికి చేరిందని కథ చెబుతుంది. అందుకే ఆ రోజును ‘పోలి స్వర్గం’ అని పిలిచారు.
పోలి పాడ్యమి పూజ విధానం: ఈ పుణ్యరోజున మహిళలు అనుసరించాల్సిన సంప్రదాయ పూజా విధానం ఇలా ఉంటుంది:
1. తెల్లవారుజామున స్నానం: బ్రహ్మముహూర్తంలో నది, చెరువు లేదా ఇంట్లో పుణ్యస్నానం చేయాలి. పవిత్రంగా దీపారాధన కోసం సిద్ధం కావాలి.
2. దీపాల నైవేద్యం: కార్తికమాసమంతా దీపాలు వెలిగించిన మహిళలు..పోలి పాడ్యమి నాడు 30 వత్తులతో ప్రత్యేక దీపం వెలిగిస్తారు. అరటి దొప్పలలో నూనె/నెయ్యి దీపాలను వెలిగించి ప్రవహించే నీటిలో వదులుతారు.
3. దీపాలను నీటిలో వదిలే విధానం: నది/చెరువు వద్ద దేవుని ధ్యానం చేస్తూ దీపాలు ప్రవాహంలో వదులాలి. దీపం వదిలిన తర్వాత మూడు సార్లు నీటిని ముందుకు తోస్తూ నమస్కారం చేయాలి.
4. పోలి స్వర్గం కథ :దీపదానం అనంతరం స్త్రీలు పోలి పాడ్యమి కథను వినాలి. కథ ముగిసిన తర్వాత అక్షింతలు వేసుకుని కుటుంబ శాంతి, ఆరోగ్యం, ఐశ్వర్యం కోసం ప్రార్థించాలి.
5. శివాలయ దర్శనం: ఆలయానికి వెళ్లి శివలింగానికి అభిషేకం చేయడం, పుష్పాలు సమర్పించడం పుణ్యఫలాన్ని మరింత పెంచుతుంది.
పోలి పాడ్యమి చేసే ఫలితాలు: కుటుంబ శ్రేయస్సు, ఆరోగ్యం..పాప విమోచనం, దాంపత్య సౌభాగ్యం, పితృదేవతల సంతృప్తి, ఐశ్వర్య ప్రాప్తి,దేవతల కటాక్షం.
ముఖ్య గమనిక : ఇక్కడ అందించిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. అంతే కానీ, వీటిలో ఎలాంటి శాస్త్రీయ ఆధారాలు లేవనే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం అని గుర్తు పెట్టుకోండి..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి