కానీ ధోని ఇలా వికెట్ల వెనకాల ఉన్నప్పుడు ఏదైనా బ్యాట్స్మెన్ కాస్త అతి చేశాడు అంటే ఇక వికెట్ మీద ఆశలు వదులుకోవాల్సిందే. ఇక ఇటీవలే చెన్నై సూపర్ కింగ్స్ సన్రైజర్స్ హైదరాబాద్ జట్ల మధ్య జరిగిన మ్యాచ్లో ధోని తన కీపింగ్ స్మార్ట్ నెస్ ని మరోసారి చూపించాడు. మెరుపు వేగంతో స్టంప్ అవుట్లు చేసి అదరగొట్టాడు అని చెప్పాలి. సన్రైజర్స్ హైదరాబాద్ జట్టుతో జరిగిన మ్యాచ్లో మొదట సూపర్ స్టంట్ అవుట్ తో మెరిసిన ధోని ఆఖరిలో వాషింగ్టన్ సుందర్ ను రనౌట్ చేసి అదరగొట్టాడు. అక్కడ వికెట్ కీపింగ్ చేస్తుంది మహేంద్రసింగ్ ధోని అన్న విషయం తెలిసినప్పటికీ వాషింగ్టన్ సుందర్ కాస్త తొందరపాటు చూపించాడు.
ఇంతకీ ఏం జరిగిందంటే.. సన్రైజర్స్ ఇన్నింగ్స్ ఆఖరి ఓవర్ ఆఖరి బంతిని మార్కో జాన్సన్ మిస్ చేశాడు. అయితే ఒక్క పరుగుతో వచ్చేది ఏం లేదని అక్కడే ఆగిపోయి ఉంటే బాగుండేది. కానీ వికెట్ల వెనకాల ఉన్నది ధోని అని తెలిసి కూడా జాన్సన్ రిస్కు చేశాడు. ఫలితం నాన్ స్ట్రైక్ ఎండ్ లో ఉన్న సుందర్ క్రీజు లోకి వచ్చే లోపు ధోని బంతితో డైరెక్ట్ హిట్ చేయడంతో వికెట్లు ఎగిరిపడ్డాయి. ఈ వీడియో ట్విట్టర్లో వైరల్ గా మారిపోయింది. ఇది చూసిన తర్వాత సుందరానికి బాగా తొందర ఎక్కువ బంతి ధోని చేతిలోకి వెళ్తే తప్పించుకోవడం కష్టమని తెలిసికూడా రిస్క్ చేశాడు అంటూ అభిమానులు కామెంట్లు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి