దీని వెనుక మరో కొన్ని కారణాలను తెలుసుకుందాం. క్రికెట్ మైదానంలో ఎండలో గంటల తరబడి ఆడటం వల్ల ఆటగాళ్లకు చాలా చెమట పట్టేస్తుంది. దీంతో నోరు ఎండిపోతుంది. ఈ సమయంలో చూయింగ్ గమ్ నమలడం వల్ల నోటిలో లాలాజలం ఎక్కువగా ఉత్పత్తి అవుతుంది. దీంతో నోరు ఎండిపోకుండా ఉంటుంది. ముఖ్యంగా బౌలర్లు, ఫీల్డర్లు బంతిని విసిరేటప్పుడు లేదా తమ జట్టు సభ్యులతో మాట్లాడేటప్పుడు స్పష్టంగా మాట్లాడటానికి ఇది చాలా ఉపయోగకరంగా ఉంటుంది.
కొంతమంది ఆటగాళ్లు గమ్ నమలడం తమ రోజువారీ అలవాటుగా చేసుకుంటారు. అంటే, ప్రతి మ్యాచ్కు ముందు గమ్ నమలడం వల్ల వారికి మంచి ఫీలింగ్ వస్తుందని నమ్ముతారు. ఉదాహరణకు, భారత జట్టు ఆటగాడు రోహిత్ శర్మ ఎప్పుడూ మ్యాచ్కు ముందు బబుల్ గమ్ అలవాటు చేసుకున్నాడు. అతని ప్రకారం, గమ్ నమిలితే అతను మరింత ఆత్మవిశ్వాసంతో, సిద్ధంగా ఉన్నట్లు అనిపిస్తుంది.
అంతేకాదు, గమ్ నమిలితే పళ్ళు కొరికే అలవాటు నుంచి కాపాడుకోవచ్చు. ఒత్తిడి లేదా ఉత్సాహం వల్ల కొంతమంది ఆటగాళ్లు తమ పళ్ళను గ్రైండ్ చేస్తారు. ముఖ్యంగా మ్యాచ్లు కీలక దశలో ఉన్నప్పుడు ఇలా జరగవచ్చు. ఈ సమయంలో గమ్ నమిలితే టీత్ ఎనామిల్ పొర దెబ్బ తినకుండా ఉంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి