మనకు దొరికిన ఈ చిన్న జీవితంలో ఎన్నో సంపాదిస్తూ ఉంటాము. అలాగే కోల్పోతూ ఉంటాము. ఇది నిరంతరం జరిగే ప్రక్రియ అని తెలిసిందే. అయితే కొని మాత్రం మనలో ఉన్న కొన్ని లక్షణాల వలన జరుగుతాయి. ప్రతి మనిషిలోనూ కోపం,  ప్రేమ, జాలి, దయ, కరుణ ఇలా ఎన్నో భావోద్వేగాలు కలగలిపి ఉంటాయి. సందర్భాన్ని బట్టి ఒక్కోటి బయటపడుతుంటాయి.  కానీ అన్నింటినీ అదుపులో ఉంచుకునే వారే విజయాన్ని అందుకోగలరు మరియు అనుకున్నది సాధించగలరు. ముఖ్యంగా కోపం ఇది అందరికీ చాలా కామన్ గా వస్తుంటుంది. మనకు నచ్చని పనిని ఎదుటి వారు చేసినా, లేదా నచ్చని వ్యక్తిని చూసినా కూడా చెప్పకుండానే కోపం వచ్చేస్తుంది. ఆగ్రహం కారణంగా కొన్ని సార్లు మన జీవితంలో చాలా వాటిని కోల్పోవాల్సి వస్తుంది.

కొన్ని సార్లు మనం అనుకున్న బంధాలు కూడా దూరమయ్యే ప్రమాదం ఉంది. తన కోపమే తన శత్రువు...తన శాంతమే తనకు రక్ష అని అంతా అంటుంటారు. అందుకే మనకు ఆగ్రహం వస్తున్నప్పటికీ చాలా వరకు కంట్రోల్ చేసుకోవడానికే ప్రయత్నించాలి. కానీ...ఆ కోపానికి యాక్షన్ కూడా జత చేసి బరస్ట్ అయితే నష్టమే జరుగుతుంది. అదే కోపం కొన్ని సార్లు మనం కోరుకున్న విజయాన్ని సైతం దూరం చేస్తుంది. కొన్నిసార్లు మీరు చూపించే అతి ప్రేమ కూడా ఇతరులకు కష్టం కలిగించవచ్చు. ఏ ఎమోషన్ అయినా సరే హద్దులు దాటితే అర్దం ఉండదు.

అలాగని ఎమోషన్ కి కొలమానం ఉండాలి అని చెప్పలేము. కానీ పరిమితికి మించితే అది అమృతమైనా ప్రమాదమే అవుతుంది అన్న విషయం గుర్తుంచుకోవాలి. నీకు కోపం వచ్చినా ఆ ఒక్క క్షణాన్ని జయించగలిగితే బాధపడే 1000 క్షణాలను తప్పించుకోవచ్చు. మీకు కోపం వస్తుంది అనిపిస్తే దానిని కంట్రోల్ చేసుకోవడానికి ప్రయత్నించండి అంతా శుభమే జరుగుతుంది. అంతే కానీ అర్ధం లేని కోపంతో జీవితంలో మరిన్ని కష్టాలు తెచ్చుకోవద్దు.

మరింత సమాచారం తెలుసుకోండి: