దాని వెనుక పట్టుదల, ఆత్మవిశ్వాసం, దైర్యం, అదృష్టం, అనుభవం, ముందుచూపు ఇలా చాలా కారణాలే ఉంటాయి. అయితే ముఖ్యంగా మూడు విషయాలు మాత్రం విజయానికి పరమపద సోపానాలు అంటున్నారు అనుభవజ్ఞులు. అవేంటంటే మీపై మీకు నమ్మకం, కృషి, సమస్యలను ఎదురీది విజయాన్ని అందుకోవాలని సంకల్పం విజయాన్ని మీకు తప్పక చేరువ చేస్తాయి. ఈ మూడు గుణాలు ఖచ్చితంగా మీలో ఉన్నప్పుడు విజయాన్ని అందుకోవడం అనుకున్న గమ్యాన్ని చేరుకోవడం పెద్ద కష్టమేమీ కాదు. అందుకే ఈ మూడు గుణాలు చాలా కీలకమైనవిగా చెప్పబడుచున్నాయి.
ఎవరికైతే ఏదేమైనా కోరుకున్న లక్ష్యాన్ని చేరాలనే సంకల్పం దృఢంగా ఉంటుందో వారికి వారి లక్ష్యమే అన్నిటికన్నా ముఖ్యంగా మారుతుంది. అంతే కాకుండా ఎంతటి పని అయినా సాధించాలి అనే పట్టుదల ఉండాలి. ఇది మాత్రమే మిమ్మల్ని లక్ష్య సాధన వైపుకు తీసుకు వెళుతుంది. అలాంటప్పుడే ఎన్ని కష్టాలు ఎదురైనా తట్టుకుని నిలబడి విజయం పొందగలడు. మరియు ఒక పని అంటే ఏవో సమస్యలు వస్తూనే ఉంటాయి, వాటికీ భయపడి వెనుతిరిగితే ఇక మీరు ఏమీ చేయలేరు. కాబట్టి దైర్యంగా ఎదుర్కొంటూ ముందుకు వెళితేనే ఏదైనా సాధ్యం. ఇలా ప్రతి ఒక్క విషయం పట్ల సరైన అవగాహన కలిగి ఉండి విజయం వైపు దూసుకెళ్ళాలి.
